Дар мақомоти давлатии шаҳру ноҳияҳо оид ба риояи қонунгузорӣ дар соҳаи хизмати давлатӣ санҷишҳо гузаронида шуданд
ДУШАНБЕ, 03.02.2025. /АМИТ «Ховар»/. Тибқи муқарароти Дастурамали талаботи тахассусӣ барои хизматчиёни давлатии маъмурии Ҷумҳурии Тоҷикистон дар баъзе шаҳру ноҳияҳои ҷумҳурӣ бархе хизматчиёни давлатии мақомоти давлатӣ аз рӯи ихтисос ва сатҳи таҳсил ба талаботи тахассусӣ ҷавобгӯ нестанд. Дар ин хусус зимни нишасти матбуотӣ директори Агентии хизмати давлатии назди Президенти Ҷумҳурии Тоҷикистон Илёс Идрисзода иттилоъ дод.
Тавре Илёс Идрисзода баён дошт, соли 2024 мувофиқи қоидаҳои гузаронидани санҷиши фаъолияти мақомоти давлатии Ҷумҳурии Тоҷикистон оид ба риояи қонунгузорӣ дар соҳаи хизмати давлатӣ ҷараёни иҷрои қонунгузории соҳаи хизмати давлатӣ дар мақомоти иҷроияи ҳокимияти давлатии вилояти Суғд, шаҳру ноҳияҳои Хуҷанд, Истаравшан, Истиқлол, Ваҳдат, Кӯлоб, Исфара, Панҷакент, Шаҳристон, Варзоб, Фирдавсӣ, Темурмалик, Мир Сайид Алии Ҳамадонӣ, Ховалинг, Шаҳритус, Носири Хусрав, Ҷалолидини Балхӣ, сохторҳои маҳаллии мақомоти иҷроияи марказии ҳокимияти давлатӣ дар вилояти Суғд ва шаҳри Душанбе дар давраи солҳои 2022-2024 мавриди санҷиш қарор дода шуд.
«Ҳангоми санҷишҳо ҳолати риоя нашудани талаботи қонунгузории хизмати давлатӣ зимни татбиқи технологияҳои кадрӣ, нигоҳ доштани ҷойи холӣ, дастурамалҳои мансабӣ ва пешбурди парвандаҳои шахсии хизматчиёни давлатӣ ошкор карда шуд»,-иброз намуд Директори агентӣ.
Иттилоъ дода шуд, ки дар баъзе шаҳру ноҳияҳои санҷидашуда муқаррароти Дастурамали талаботи тахассусӣ барои хизматчиёни давлатии маъмурии Ҷумҳурии Тоҷикистон қисман риоя нашуда, бархе хизматчиёни давлатии ин мақомот дар 60 ҳолат ба талаботи тахассусӣ аз рӯи ихтисос ва сатҳи таҳсил ҷавобгӯ нестанд.
«Аз натиҷаи таҳлили вазъи иҷрои қонунгузории хизмати давлатӣ ба мақомоти иҷроияи ҳокимияти давлатии шаҳру ноҳияҳои дахлдор барои бартараф намудани камбудиҳо санадҳои санҷишӣ ирсол карда шуд, ки қисми зиёди камбудиҳо бартараф карда шуданд. Фаъолият дар ин самт идома дошта, ҷараёни минбаъдаи бартарафсозии камбудиҳо таҳти назорат қарор дорад», — изҳор дошт Илёс Идрисзода
Шаҳлои САДРИДДИН,
АМИТ «Ховар»
АКС: АМИТ «Ховар»
Ба ифтихори Рӯзи Парчами давлатӣ дар шаҳри Турсунзода ҳамоиши тантанавӣ доир гардид
Дар Душанбе масъалаи ғизои мактабӣ мавриди баррасӣ қарор дорад
Дар Вазорати адлия Рӯзи Парчами давлатии Тоҷикистон бошукуҳ таҷлил гардид
Аҳамияти ҳамкории Тоҷикистону Олмон дар самти таҳсилоти касбӣ ва омӯзиши забони олмонӣ баррасӣ гардид
ОГОҲӢ! Аз 21 то 24 ноябр дар баъзе минтақаҳои Тоҷикистон чангу ғубор ба амал меояд
«ПАРЧАМ-РАМЗИ ДАВЛАТДОРИИ МИЛЛӢ». Таҳти чунин унвон конференсияи ҷумҳуриявӣ баргузор шуд
Масъалаи дастгирии соҳибкории хурду миёна дар бахшҳои истеҳсолӣ дар маҳалҳо баррасӣ карда шуд
Бонувони Академияи миллии илмҳо бахшида ба Рӯзи Парчами Тоҷикистон иқдоми тарғиботӣ гузарониданд
Дар Душанбе бахшида ба Рӯзи байналмилалии кӯдакон Форуми сеюми миллии комиссияҳо оид ба ҳуқуқи кӯдак баргузор мегардад
Дар Тоҷикистон беш аз 19 ҳазор ҳунармандон фаъолият менамоянд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рашт табақаи ниёзманд дастгирӣ меёбад
Анҷумани ҷавонони Созмони ҳамкории Шанхай соли 2026 дар Душанбе баргузор мегардад
