Дар Тоҷикистон ба маблағи беш аз 42 миллион сомонӣ корҳои лоиҳакашӣ ва ҷустуҷӯию таҳқиқотӣ ба анҷом расидаанд
ДУШАНБЕ, 19.02.2025 /АМИТ «Ховар»/. Пажуҳишгоҳҳои лоиҳакашӣ ва корхонаҳои воҳиди давлатии Кумитаи меъморӣ ва сохтмони назди Ҳукумати Ҷумҳурии Тоҷикистон соли 2024 ба маблағи 42 миллиону 615 ҳазору 241 сомонӣ корҳои лоиҳакашӣ ва ҷустуҷӯию таҳқиқотиро ба анҷом расониданд, ки ин 114,3 фоизи ҳамин давраи соли 2023-ро ташкил намуд. Дар ин хусус раиси ин кумита Низом Мирзозода зимни нишасти матбуотӣ иттилоъ дод.
Ба андешаи Низом Мирзозода, яке аз самтҳои фаъолияти кумита- ин танзими меъёрию техникӣ дар соҳаи меъморӣ, шаҳрсозӣ ва сохтмон ба шумор меравад. Соли 2024 дар маҷмуъ мувофиқи нақшаи корҳои илмию таҳқиқотӣ ва лоиҳакашию ҷустуҷӯӣ аз ҷониби воҳидҳои сохтории дахлдори кумита 27 номгӯй корҳо мавриди таҳия ва коркард қарор гирифтанд.
Дар ин давра мактабҳои таҳсилоти умумӣ барои 35 014 ҷойи нишаст, дармонгоҳ барои 1085 ҷойи қабул дар як баст ва муассисаҳои томактабӣ барои 2676 ҷой ба истифода дода шуданд.
Иттилоъ дода шуд, ки ҳосилнокии меҳнати як корманд соли 2024 4433,55 сомонӣ ва маоши миёнаи як корманд дар давраи ҳисоботӣ 2288,56 сомониро ташкил дод.
Ҳамзамон ба иттилои раиси кумита, дар асоси Нақшаи чорабиниҳои Кумитаи меъморӣ ва сохтмони назди Ҳукумати Ҷумҳурии Тоҷикистон аз натиҷаи дастуру супоришҳои Пешвои миллат, ки дар маҷлиси ҷамъбастии Ҳукумати Ҷумҳурии Тоҷикистон оид ба густариши раванди рақамикунонӣ дода шуданд, пешниҳоди ҳуҷҷатҳо барои гирифтани иҷозатномаи фаъолияти сохтмонӣ аз тариқи электронӣ амалӣ гардид. Дар айни замон шахсони воқеӣ ва ҳуқуқӣ метавонанд ҳуҷҷатҳои худро ба тариқи электронӣ дар сомонаи Хадамоти иҷозатномадиҳии фаъолияти шаҳрсозии Кумитаи меъморӣ ва сохтмони назди Ҳукумати Ҷумҳурии Тоҷикистон www.kifs.tj ба расмият дароранд.
АКС: АМИТ «Ховар»
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
