Фурудгоҳи байналмилалии Душанбе ба зиёда аз 8 ҳазор хатсайри мунтазам ва чартерӣ хизмат расонидааст
ДУШАНБЕ, 06.02.2025 /АМИТ «Ховар»/. Фурудгоҳи байналмилалии Душанбе соли 2024 ба 8 ҳазору 468 хатсайр хизмат расонидааст, ки 7 ҳазору 985 хатсайр мунтазам ва 483 хатсайр чартерӣ мебошад, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Хатсайрҳои хизматрасонидаи Фурудгоҳи байналмилалии Душанбе нисбат ба соли 2023 беш аз 300 адад ё 4 фоиз зиёд мебошанд.
Ҳамзамон дар ин давра 2015 ҳолати батаъхирмонии парвозҳо дар фурудгоҳ сабт шудааст, ки нисбат ба соли 2023 800 парвоз ё 66 фоиз зиёд мебошад. Омилҳои асосии ба таъхир гузошта шудани парвози ҳавопаймоҳо дар фурудгоҳ ба дер омадани ҳавопаймо аз фурудгоҳи макони парвоз, номусоидии боду ҳаво, дахолати ширкатҳои ҳавопаймоӣ, сарҳад, таъминот бо сӯзишворӣ ва ғайра рабт доранд.
Парвозҳо дар Фурудгоҳи байналмилалии Душанбе аз ҷониби 13 ширкати ҳавопаймоӣ амалӣ мегарданд, аз ҷумла 6 ширкати ҳавопаймоии кишварҳои хориҷӣ, ба мисли «Флай Дубай»-и Аморати Муттаҳидаи Араб, «Туркиш Эйрлайнз»-и Туркия, «Китайские авиалинии»-и Чин, «Вориш Эйрлайнз»-и Эрон, «Ҷазира Эйрвейз»-и Давлати Кувайт ва «АЗАЛ» -и Ҷумҳурии Озарбойҷон.
Ҳамзамон парвозҳо аз ҷониби 7 ширкати ҳавопаймоии кишварҳои аъзои Иттиҳоди давлатҳои Мустақил –«Ют Эйр», «Уральские авиалинии», «Северный ветер», «Сибирь-S7»-и Федератсияи Русия, «Эйр Астана»-и Қазоқистон, «Узбекистон ҳавойуллари»-и Узбекистон ва 1 ширкати ватании «Сомон Эйр» ба амал бароварда мешаванд.
Соли 2024 дар Фурудгоҳи байналмилалии Душанбе бо сабабҳои гуногун 184 ҳолати зарар дидан ва гум шудани бағоҷи мусофирон сабт шудааст, ки нисбат ба соли 2023 5 муроҷиат ё 2,6 фоиз кам мебошад.
Марзия САИДЗОДА,
АМИТ «Ховар»
АКС: АМИТ «Ховар»
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
НИШАСТИ МАТБУОТӢ. Маҷмуи маҳсулоти минтақавии вилояти Хатлон ба 17,1 миллиард сомонӣ расид
Нақшаи ҷамъоварии пардохтҳои гумрукӣ дар Тоҷикистон дар сатҳи 112,2 фоиз таъмин гардид
НИШАСТИ МАТБУОТӢ. Дар шашмоҳаи якуми соли 2025 зиёда аз ҳазор ҳолати ҳуқуқвайронкунии маъмурии алоқаманд ба коррупсия ошкор карда шуд
Соҳибкорони бурунмарзӣ барои иштирок дар Форуми байналмилалии сармоягузории «Dushanbe Invest–2025» даъват шуданд
Байни Палатаи савдо ва саноати Тоҷикистон ва Ассотсиатсияи саноат ва тиҷорати Синҷон‑Уйғури Чин Ёддошти тафоҳуми ҳамкорӣ ба имзо расид
Масъалаи ифтитоҳи парвозҳои нав байни шаҳрҳои Тоҷикистон ва Туркия баррасӣ шуд
