Намояндагони Тоҷикистон дар Озмуни байналмилалии «Кашфи олами моликияти зеҳнӣ» ғолиб гардиданд
ДУШАНБЕ, 01.02.2025 /АМИТ «Ховар»/. 31 январи соли равон дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон маросими супоридани ҷоизаҳои иштирокчиёни сеюмин Озмуни байналмилалии «Кашфи олами моликияти зеҳнӣ» доир гардид. Озмуни мазкур дар Ҷумҳурии Беларус доир шуда, дар он хонандагони муассисаҳои таҳсилоти миёнаи умумӣ, миёнаи касбӣ ва олӣ, инчунин омӯзгорон иштирок намуданд. Дар ин хусус ба АМИТ «Ховар» дар Муассисаи давлатии «Маркази миллии патенту иттилоот» хабар доданд.
Озмуни байналмилалии «Кашфи олами моликияти зеҳнӣ» аз моҳи сентябр то декабри соли 2024 идома ёфта, дар он зиёда аз 900 нафар довталабон аз Тоҷикистон, Беларус, Қазоқистон, Федератсияи Русия ва дигар давлатҳо иштирок карданд.
Бо роҳнамоии Идораи патентии Тоҷикистон зиёда аз 60 нафар ҷавонони мамлакат дар озмуни мазкур иштирок карда, 4 нафари онҳо сазовори ҷойҳои намоён гардиданд. Ғолибон бо ҷоизаҳо ва туҳфаҳои хотиравӣ сарфароз гардонида шуданд. Аз ҷумла, донишҷӯи Донишгоҳи миллии Тоҷикистон Аҳмадҷон Назаров сазовори ҷойи якум, хонандаи Муассисаи давлатии таълимии «Литсейи президентӣ барои хонандагони болаёқат» Лола Иргашева сазовори ҷойи дуюм ва хонандаи Муассисаи давлатии таълимии «Литсейи президентӣ барои хонандагони болаёқат» Зарнигор Бадалзода лоиқи ҷойи сеюм гардиданд.
Ҳамчунин омӯзгори Муассисаи давлатии таълимии «Литсейи президентӣ барои хонандагони болаёқат» Албина Бердникова дар номинатсияи «Беҳтарин мураббии эътирофшудаи миллӣ» ғолиб гардид.
Дар баробари ин, дар номинатсияи «Беҳтарин мактаби миллӣ» «Литсейи президентӣ барои хонадагони болаёқати Ҷумҳурии Тоҷикистон» сазовори ҷойи сеюм гардид.
Ба иштирокчиёне, ки сазовори ҷойҳои намоён гардиданд, аз ҷониби ташкилкунандагони чорабинӣ туҳфаҳои хотиравӣ тақдим карда шуд.
АКС: Муассисаи давлатии «Маркази миллии патенту иттилоот»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
