Сироҷиддин Муҳриддин бо мушовири махсуси Сарвазири Ҷопон мулоқот намуд
ДУШАНБЕ, 03.02.2025 /АМИТ «Ховар»/. 1 феврал дар шаҳри Душанбе Вазири корҳои хориҷии Ҷумҳурии Тоҷикистон Сироҷиддин Муҳриддин бо ҳайати Ҷопон таҳти роҳбарии мушовири махсуси Сарвазири Ҷопон Акихиса Нагашима мулоқот намуд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни суҳбат ҷонибҳо дар доираи васеи масъалаҳои ҳамкории дуҷониба ва бисёрҷониба табодули афкор намуда, ба баргузории нишасти сарони давлатҳои Муколамаи “Осиёи Марказӣ+Ҷопон” таваҷҷуҳи хосса зоҳир намуданд.
Мусоҳибон дурнамои тавсеаи ҳамкории дуҷонибаро дар бахшҳои иқтисод, тиҷорат, кишоварзӣ, энергетика, нақлиёт, экология, сайёҳӣ ва маориф муҳокима карданд.
Дар ин робита аҳаммияти Комиссияи муштараки байниҳукуматӣ оид ба ҳамкории иқтисодӣ ва илмию техникӣ байни Тоҷикистон ва Ҷопон, ки дар пешбурди ҳамкории мутақобили судманд саҳми назаррас мегузорад, таъкид шуд.
Ҷонибҳо ҳамчунин ба ҷанбаҳои калидии равобити фарҳангӣ ва башардӯстона, аз ҷумла масъалаҳои иштироки Ҷопон дар Конфронси байналмилалии дарпешистода оид ба ҳифзи пиряхҳо дар шаҳри Душанбе ва ширкати Тоҷикистон дар Намоишгоҳи EXPO-2025 дар шаҳри Осака тамаркуз карданд.
АКС: Вазорати корҳои хориҷии Ҷумҳурии Тоҷикистон
Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
Шараф Шерализода дар Барселона бо намояндагони ниҳодҳои Испания мулоқот намуд
Ҳамкории Тоҷикистон ва Конфедератсияи Швейтсария баррасӣ гардид
Сафири Тоҷикистон бо муовини раиси Девони вазирони Туркманистон оид ба нақлиёт ва коммуникатсия мулоқот намуд
Дар Шуша ҷаласаи 7-уми вазирони Созмони ҳамкории иқтисодӣ оид ба сайёҳӣ баргузор гардид
Зарурати тақвияти ҳамкории сармоягузорӣ байни Тоҷикистон ва иёлоти Ютаи Амрико таъкид шуд
Дар Вена «Устувонаи Куруши Кабир» муаррифӣ гардид
Ҳамкорӣ байни Маҷлиси намояндагони Маҷлиси Олии Тоҷикистон ва Конгресси Иёлоти Муттаҳидаи Амрико баррасӣ шуд
Сафири Тоҷикистон бо намояндаи махсуси Кантслери Австрия оид ба корҳои хориҷӣ мулоқот намуд
Таҳкими ҳамкорӣ байни прокуратураҳои генералии Тоҷикистон ва Қатар баррасӣ гардид
Ташаббуси Ҷумҳурии Тоҷикистон доир ба қабули қатъномаи Иҷлосияи 82-юми Комиссияи иқтисодӣ ва иҷтимоии СММ барои Осиё ва Уқёнуси Ором дар Бангкок
Намояндаи Тоҷикистон дар Форуми 10-уми байналмилалии шарикии давлат ва бахши хусусӣ дар Барселона иштирок намуд
