ТАҚВИМИ АМИТ «ХОВАР»: имрӯз 27 феврал, панҷшанбе, 58-умин рӯзи соли 2025 аст

27 феврали соли 2000 интихоботи палатаи поёнии Парлумони Тоҷикистон баргузор гардид.

***

27 феврали соли 2013 Қонуни Ҷумҳурии Тоҷикистон «Дар бораи гаравхона (ломбард)» қабул гардид.

***

Дар ин рӯзи соли 2014 дар Маркази тадқиқоти стратегии назди Президенти Ҷумҳурии Тоҷикистон дар мавзуи «Рушди минтақаҳо» симпозиуми байналмилалӣ баргузор шуд.

***

27 феврали соли 2017 Президенти Федератсияи Русия Владимир Путин Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро бо мукофоти олии Федератсияи Русия- Ордени Александр Невский қадрдонӣ  намуд.

***

Дар ин рӯзи соли 2017 байни Ҳукумати Ҷумҳурии Тоҷикистон ва Ҳукумати Федератсияи Русия оид ба ҳамкорӣ дар соҳаи истифодаи энергияи атомии сулҳҷӯёна созишнома ба имзо расид.

***

27 феврали соли 2018 дар шаҳри Кӯлоб корхонаи истеҳсоли орд фаъол гардид.

***

27 феврали соли 2020 дар Душанбе масъалаи ҳамкории Тоҷикистон ва Олмон дар самти мубориза бо коррупсия муҳокима гардид.

***

27 феврали соли 2023 ҷоизаи Раиси шаҳри Душанбе барои муҳаққиқони ҷавон таъсис ёфт.

27 ФЕВРАЛ:

Дар Русия – Рӯзи қувваҳои амалиёти махсус.

***

Рӯзи байналмилалии хушбинӣ.

 ДАР ИН РӮЗ ТАВАЛЛУД ШУДААНД:

Абдураҳмон Раҳимов— соли 1933 — Корманди шоистаи фарҳанги Тоҷикистон

***

Абдунабӣ Сатторзода— соли  1941 — доктори илмҳои филологӣ, профессор, ходими давлатӣ