Дар Агентии суғуртаи иҷтимоӣ ва нафақаи Тоҷикистон Рӯзи Модар ботантана таҷлил карда шуд
ДУШАНБЕ, 06.03.2025. /АМИТ «Ховар»/. Бахшида ба Рӯзи Модар дар Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон ҳамоиши идона баргузор гардид. Дар ин хусус ба АМИТ «Ховар» аз ин агентӣ хабар доданд.
Директори Агентӣ Абдураҳмон Ҳалимзод иброз дошт, ки «бо шукуҳу шаҳомати хосса ҷашн гирифтани Рӯзи Модар дар Тоҷикистон нишонаи эътибор, эҳтиром ва қадршиносии давлату Ҳукумат, бахусус Президенти мамлакат муҳтарам Эмомалӣ Раҳмон ва мардуми ҷумҳурӣ ба модар ва бузургии ӯ мебошад». Дар ҳамоиш иброз гардид, ки имрӯз дар Тоҷикистон соҳае нест, ки дар он занону духтарон фаъолият надошта бошанд. Нақши занону духтарон дар эъмори ҷомеаи демократӣ ва дунявии Тоҷикистон бузург аст. Баробари кор дар соҳаҳои иҷтимоӣ, аз ҷумла илму маориф, хизмати давлатӣ, кишоварзӣ, саноат, нақлиёт, энергетика, алоқа, сохтмону меъморӣ, бонкдорӣ, варзиш, онҳо дар мақомоти ҳифзи ҳуқуқу тартибот ва дигар сохторҳои низомӣ фаъолияти софдилонаву содиқона доранд.
«Мақоми баланди модар, пиндору рафтору гуфтори неку пур аз муҳаббати ӯ сабаб гардид, ки аҳли башар дар ҳама давру замон модарро ба сифати бузургтарин ва муқаддастарин мавҷуд ҳамеша азиз доранду ба қадри заҳматҳои сангинаш бирасанд. Мо ҳам ҳамеша рӯйи ниёз ба модар дорем ва ҳангоми пеш омадани ҳар гуна мушкилот аз модар мадад меҷӯем», -таъкид гардид дар ҳамоиш.
Президенти Ҷумҳурии Тоҷикистон муҳтарам Эмомалӣ Раҳмон дар яке аз суханрониҳо иброз намудаанд: «Модар офарандаи ҳаёт, пайвандгари наслҳо, сарчашмаи меҳру муҳаббат ва нерубахши руҳу ҷон мебошад. Ҳама эъҷозу парвоз, ҳама эҷоду бунёд ва ҳама мардонагиву қаҳрамонӣ натиҷа ва самараи заҳмати шабонарӯзии модар аст».
Иброз шуд, ки дар Агентӣ барои баланд бардоштани сатҳи тахассусии кормандон аз ҳисоби занон, таълим ва такмили ихтисоси онҳо, интихоб ва ҷобаҷогузории бонувони кордону соҳибмаърифат ба вазифаҳои роҳбарикунанда таваҷҷуҳи махсус зоҳир мешавад.
АКС: Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
