Дар Чин бахшида ба Рӯзи ҷаҳонии ҳифзи пиряхҳо ва Соли байналмилалии ҳифзи пиряхҳо Форуми ҷаҳонии олимон идома дорад
ДУШАНБЕ, 17.03.2025 /АМИТ «Ховар»/. 15 март дар шаҳри Чендуи Ҷумҳурии Мардумии Чин бахшида ба 21 март- Рӯзи ҷаҳонии ҳифзи пиряхҳо ва Соли байналмилалии ҳифзи пиряхҳо Форуми ҷаҳонии олимон оид ба ҳифзи пиряхҳо идома оғоз гардид.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, форум бо ташаббуси Маркази омӯзиши пиряхҳои Академияи миллии илмҳои Тоҷикистон дар якҷоягӣ бо Институти экология, ҳифзи муҳити зист ва захираҳои табиӣ ва Институти хатарҳои кӯҳӣ ва экологияи Академияи илмҳои Ҷумҳурии Мардумии Чин ташкил шуда, то 18 март идома меёбад.
Масъалаҳои таназзулёбии пиряхҳо, омӯзиши фосилавии пиряхҳо, ҳамкории илмии байналмилалӣ дар самти илмҳои криосфера, пешгирии офатҳои табиӣ, нақши ташкилоти байналмилалӣ дар ҳамоҳангсозии фаъолият дар самти ҳифзи пиряхҳо, баргузории конфронси байналмилалии пиряхҳо дар шаҳри Душанбе ва дигар масъалаҳо дар форум баррасӣ гардиданд.
Олимону коршиносони сатҳи ҷаҳонӣ ба ташаббусҳои ҷаҳонии Президенти Тоҷикистон муҳтарам Эмомалӣ Раҳмон баҳои баланд дода, онҳоро ҳамчун роҳнамо барои фаъолияти илмию таҳқиқотии олимон дар самти истифодаи оқилона ва ҳифзи захираҳои об ва омӯзишу ҳифзи пиряхҳо тавсиф намуданд.
Ҳадафи асосии форум баланд бардоштани огоҳии ҷомеи ҷаҳонӣ оид ба масъалаҳои обшавии пиряхҳо ва оқибати он, инчунин андешидани тадбирҳо ва таҳияи чорабиниҳои муассир барои ҳифзи онҳо, мубодилаи дастовардҳои илмӣ, баррасии ҳалли инноватсионии ҳифзи пиряхҳо ва экосистемаҳои онҳо мебошад.
Дар доираи форум директори Маркази омӯзиши пиряхҳои Академияи миллии илмҳои Тоҷикистон Назриало Шерализода бо намояндагони воситаҳои ахбори омма, аз ҷумла бо рӯзноманигорони Гурӯҳи расонаҳои Чин (CMG) дар бораи ташаббусҳои Президенти Тоҷикистон дар самти обу иқлим, хусусан соли 2025- Соли байналмилалии ҳифзи пиряхҳо, нақшаи чорабиниҳои Ҳукумати Ҷумҳурии Тоҷикистон барои омодагӣ ба баргузории Конфронси байналмилалии сатҳи баланд оид ба ҳифзи пиряхҳо дар шаҳри Душанбе мусоҳиба анҷом дод.
Боиси ёдоварӣ аст, ки 14 декабри соли 2022 Маҷмаи Умумии Созмони Милали Муттаҳид зимни ҷаласаи 77-ум дар заминаи пешниҳоди Президенти Ҷумҳурии Тоҷикистон муҳтарам Эмомалӣ Раҳмон соли 2025-ро Соли байналмилалии ҳифзи пиряхҳо ва 21 мартро Рӯзи байналмилалии ҳифзи пиряхҳо эълон намуда, Фонди боварии байналмилалӣ барои саҳмгузорӣ дар ҳифзи пиряхҳоро таъсис дод.
Инчунин тибқи ин қатънома 29-31 майи соли 2025 дар шаҳри Душанбе Конфронси байналмилалии сатҳи баланд оид ба ҳифзи пиряхҳо баргузор мешавад.
АКС: Академияи миллии илмҳои Тоҷикистон
Дар Душанбе дар мавзуи «Чакан-мероси беназири тоҷикон» ҳамоиши ҷумҳуриявӣ доир шуд
Дар Донишгоҳи миллӣ оид ба пешоҳангии Тоҷикистон дар ҳифзи пиряхҳо ҳамоиш доир шуд
Дар Бадахшон вобаста ба ҳифзи пиряхҳо ва истифодаи оқилонаи захираҳои об конференсия баргузор гардид
Оини хонатаконӣ пеш аз оғози ҷашни Наврӯз гузаронида мешавад
Мутахассисони Тоҷикистон ва Чин дар самти омӯзиши ҳашароти зараррасон таҳқиқот гузарониданд
Бахшида ба Ҷашни байналмилалии Наврӯз дар саросари Тоҷикистон беш аз ҳазор чорабинии фарҳангӣ баргузор мешавад
Бахшида ба Соли байналмилалии ҳифзи пиряхҳо таҳти унвони «Ояндаи сабз дар дасти ҷавонон» конфронси байналмилалӣ доир шуд
Дар Суғд даври якуми Озмуни ҷумҳуриявии «Фурӯғи субҳи доноӣ китоб аст» оғоз гардид
Дар Академияи миллии илмҳои Тоҷикистон китоби «Истиқлолият ва журналистикаи тоҷик» рӯнамоӣ гардид
Дар Донишгоҳи давлатии Кӯлоб бахшида ба Рӯзи байналмилалии ҳифзи пиряхҳо Конференсияи байналмилалии илмӣ-назариявӣ доир шуд
ҲУНАР ОМӮЗ! Шаҳодат Ҳомидова то имрӯз ба зиёда аз 800 нафар сабадбофиро омӯзонидааст
Донишҷӯёни муассисаҳои олӣ толори «Ташаббусҳои ҷаҳонии Ҷумҳурии Тоҷикистон дар соҳаи об ва ҳифзи пиряхҳо»-ро тамошо намуданд
