«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон

Март 27, 2025 13:25

ДУШАНБЕ, 27.03.2025. /АМИТ «Ховар»/. Дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон раванди иҷозатномадиҳӣ ба тариқи платформаи «e-license» амалӣ карда шуд. Он бо мақсади иҷрои супоришҳои Президенти Тоҷикистон муҳтарам Эмомалӣ Раҳмон  оид ба амалӣ намудани технологияҳои муосир ва баланд бардоштани самаранокии хизматрасонии давлатӣ, инчунин стратегияи рақамикунонӣ амалӣ мегардад. Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.  

Ин платформа раванди гирифтани иҷозатномаҳоро барои истифодабарандагони манбаъҳои ионофар сода, шаффоф ва осон мегардонад. Бо истифода аз «e-license»  ҳуҷҷатгузорӣ ва муроҷиатҳо ба таври электронӣ (онлайн) амалӣ гардида, зарурати ҳузури ҷисмонӣ аз байн меравад ва  вақт сарфа мешавад. Ин иқдом қисми талошҳои давлат барои рушди ҳукумати электронӣ ва беҳтар кардани фазои сармоягузорӣ дар мамлакат аст, ки дар паёмҳои Президенти Ҷумҳурии Тоҷикистон ба Маҷлиси Олӣ борҳо таъкид гардидааст.

Дар  доираи сиёсати рақамикунонӣ ташаббусҳое, чун таъсиси низомҳои электронии хизматрасонӣ ба соҳаи иҷозатномадиҳӣ   ва афзоиши дастрасии хизматрасониҳо ба шаҳрвандон мусоидат менамоянд. Инчунин ин иқдом ба «Стратегияи миллии рушди Ҷумҳурии Тоҷикистон барои давраи то соли 2030» мувофиқ буда, яке аз ҳадафҳои асосии он муосирсозӣ ва рақамикунонии идораҳои давлатӣ, аз ҷумла муассисаҳои илмии он мебошад.

«Бо ин иқдом мо на танҳо супоришҳои Президенти Ҷумҳурии Тоҷикистон муҳтарам Эмомалӣ Раҳмонро  иҷро менамоем, балки барои ояндаи дурахшон ва ҷалби сармоягузорон ба  Тоҷикистон   саҳм мегузорем»,-иброз намуд мудири шуъбаи таҳияи санадҳои меъёрию ҳуқуқӣ ва иҷозатномадиҳии Агентии амнияти химиявӣ, биологӣ, радиатсионӣ ва ядроии   Академияи миллии илмҳои Тоҷикистон Аниса Наҷмиддинова.

Воқеан «e-license» на танҳо ба осон кардани раванди гирифтани иҷозатномадиҳӣ барои мардум мусоидат менамояд, балки дар таҳкими давлати муосир ва ҷалби ҷаҳониён ба ин сарзамин замина мегузорад.

АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон

Март 27, 2025 13:25

Хабарҳои дигари ин бахш

Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад