Имкониятҳои сайёҳии шаҳри Душанбе ва таҷлили ҷашни Наврӯз аз ҷониби блогерони хориҷӣ тарғиб мешаванд
ДУШАНБЕ, 21.03.2025 /АМИТ «Ховар»/. Бо мақсади тарғибу ташвиқи имкониятҳои сайёҳӣ ва расму анъанаҳои неки Ҷашни байналмилалии Наврӯз як гурӯҳ блогерони машҳури эронӣ, аз ҷумла Persian Explorers дар шаҳри Душанбе қарор доранд. Дар ин хусус ба АМИТ «Ховар» аз шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Persian Explorers дорои зиёда аз 1,2 миллион обуначӣ буда, дар миёни корбарони шабакаҳои иҷтимоӣ, бахусус Instagram маҳбубияти зиёд дорад.
Ин блогери эронӣ дар рӯзҳои таҷлили Ҷашни байналмилалии Наврӯз дар чорабиниҳои гуногунӣ ҷашнӣ иштирок намуда, анъанаҳои қадимаи наврӯзии ниёгономон ва имконияту мавзеъҳои сайёҳии мамлакат, аз ҷумла шаҳри Душанберо байни обуначиёнаш тарғиб ва муаррифӣ менамояд.
Ёдовар мешавем, ки дар асоси тавофуқоти дар доираи иштироки ҳайати Ҷумҳурии Тоҷикистон дар Намоишгоҳи 18-уми байналмилалии сайёҳӣ ва саноатии Теҳрон бадастомада гурӯҳи блогерон аз Ҷумҳурии Исломии Эрон дар шаҳри Душанбе қарор дорад.
Мақсад аз сафари блогерон тарғибу ташвиқи имконият ва иқтидори сайёҳии Тоҷикистон, аз ҷумла пойтахти он – шаҳри Душанбе, таҷлили Ҷашни байналмилалии Наврӯз ва хатсайрҳои сайёҳӣ байни Тоҷикистону Эрон мебошад.
Ҳамзамон бо даъвати Кумитаи рушди сайёҳии назди Ҳукумати Ҷумҳурии Тоҷикистон аз зумра блогерони машҳури давлатҳои хориҷӣ, аз ҷумла аз Эрон, Чин, Олмон, Нидерланд, Швейтсария ва Покистон бо мақсади тарғибу муаррифии имкониятҳои сайёҳии мамлакат ва таҷлили Ҷашни байналмилалии Наврӯз дар Ҷумҳурии Тоҷикистон қарор доранд.
Ҳамчунин дар баробари блогерони хориҷӣ аъзои Ассосатсияи блогерони Тоҷикистон низ фаъол буда, ба таври васеъ рафти таҷлили Ҷашни байналмилалии Наврӯз ва имкониятҳои сайёҳии мамлакат, аз ҷумла шаҳри Душанберо муаррифӣ ва тарғиб доранд.
АКС: шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
