Ташаббусҳои сулҳофаронаи Президенти Тоҷикистон дар таҳкими амнияти минтақавию ҷаҳонӣ ва робитаҳои дӯстии мардумони кишварҳо беназир мебошанд
ДУШАНБЕ, 14.03.2025. /АМИТ «Ховар»/. Бо ибтикори Кумитаи Иҷроияи Марказии Ҳизби Марказии Халқии Демократии Тоҷикистон 14 март дар Академияи миллии илмҳои Тоҷикистон бахшида ба сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Ҷумҳурии Қирғизистон ҳамоиши ҳизбӣ зери унвони «Ҳамсоягии нек ҳадафи Пешвои миллат» баргузор гардид. Дар ин хусус ба АМИТ «Ховар» аз Кумитаи Иҷроияи Марказии Ҳизби Марказии Халқии Демократии Тоҷикистон хабар доданд.
Дар ҳамоиш роҳбарият ва кормандони Ҳизби Халқии Демократии Тоҷикистон, Академияи миллии илмҳои Тоҷикистон ва дигарон иштирок ва суханронӣ намуданд.
Муовини якуми Раиси Ҳизби Халқии Демократии Тоҷикистон Маликшо Неъматзода таъкид намуд, ки ташаббусҳои сулҳофаронаи Президенти мамлакат, Пешвои муаззами миллат муҳтарам Эмомалӣ Раҳмон дар таҳким бахшидани амнияти минтақавию ҷаҳонӣ ва робитаҳои дӯстии мардумони кишварҳо беназир мебошад.
Иброз гардид, ки барқарор намудани муносибатҳои некуҳамсоягӣ ва шарикӣ, кушодани гузаргоҳҳо байни ду кишвари ҳамсоя, инчунин густариши муносибатҳо дар бахшу самтҳои мухталиф барои рушди тадриҷии Тоҷикистону Қирғизистон нақши муассир ва мусбат хоҳад гузошт.
«Ҳамзамон муносибатҳои некуҳамсоягӣ дӯстӣ ва бародарии мардуми ҳарду кишварро таҳким бахшида, қадами созанда барои ҳамзистии осоишта мебошад», — тазаккур дода шуд дар ҳамоиш.
Иштирокчиён зимни андешаронӣ ин руйдоди муҳими сиёсиро, ки дар таърих мондагор хоҳад шуд, ситоиш намуда, натиҷаи онро пешрафту ободӣ ва суботу амнияти минтақавию ҷаҳонӣ арзёбӣ намуданд.
АКС: Кумитаи Иҷроияи Марказии Ҳизби Марказии Халқии Демократии Тоҷикистон
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
Оид ба стратегияи ҳамкории Тоҷикистон ва Корея машғулияти академӣ доир шуд
Лоиҳаи Қонуни Ҷумҳурии Тоҷикистон «Дар бораи бостоншиносӣ» баррасӣ гардид
Намояндагони Сафорати Тоҷикистон дар Русия бо донишҷӯёни тоҷик вохӯрӣ намуданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
