Тоҷикистон ва Қирғизистон дар соҳаи сиёсати ҷавонон барномаи ҳамкорӣ ба имзо расониданд
ДУШАНБЕ, 13.03.2025. /АМИТ «Ховар»/. Имрӯз аз рӯйи натиҷаҳои гуфтушунидҳои сарони давлатҳои Тоҷикистон ва Қирғизистон Барномаи ҳамкорӣ байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати фарҳанг, иттилоот ва сиёсати ҷавонони Ҷумҳурии Қирғизистон дар соҳаи сиёсати ҷавонон барои солҳои 2025-2027 ба имзо расид.
Тавре дар Кумитаи кор бо ҷавонон ва варзиш хабар доданд, барномаи мазкур ба таҳкими ҳамкорӣ дар соҳаи сиёсати ҷавонон ва рушди неруи ҷавонон равона шудааст.
Ҳадаф аз барнома низоми устувори ҳамкорӣ дар соҳаи сиёсати ҷавонон ва дастгирии ташаббусҳои ҷавонон мебошад. Ҳамзамон дар доираи барнома лоиҳаҳои муштарак ва ташкили форуму конфронсҳои ҷавонон дар назар аст. Инчунин табодули таҷриба ва омӯзиши мутахассисон оид ба сиёсати ҷавонон, дастгирии ташкилоти ҷавонон ва рушди ҳаракати волонтёрӣ, татбиқи платформаҳои рақамӣ барои ҳамкорӣ ва паҳнкунии иттилоот ба нақша гирифта шудааст.
Ҳамзамон дар доираи барнома чорабиниҳои гуногун, аз қабили мубодилаи ҳайатҳои ҷавонон барои иштирок дар барномаҳои таълимӣ ва фарҳангӣ, ташкили машваратҳои омӯзишӣ ва тренингҳо барои табодули таҷриба, дастгирии ташкилоти ҷавонону волонтёрон ва тақвияти ҳамкории иттилоотӣ-рақамӣ дар назар дошта шудааст.
Барнома бояд ба афзоиши чорабиниҳои ҷавонон, таҳкими ҳамкории ташкилоти ҷавонон, рушди малакаҳои ҷавонон ва ташаккули имиҷи мусбати кишварҳо мусоидат намояд.
Ёдовар мешавем, ки соли 2013 дар шаҳри Душанбе Ёддошти тафоҳум дар соҳаи сиёсати ҷавонон байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати фарҳанг, иттилоот, варзиш ва сиёсати ҷавонони Ҷумҳурии Қирғизистон ба имзо расида буд.
Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақомоти давлатии соҳаи кор бо ҷавонон ва варзиши Ҷумҳурии Қирғизистон ҳамкории судманд намуда, дар ин доира созишномаҳои соҳавӣ ба имзо расидаанд.
Ҳамзамон 27 майи соли 2013 дар шаҳри Бишкек Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон оид ба ҳамкорӣ дар соҳаи тарбияи ҷисмонӣ ва варзиш ба имзо расидааст.
АКС: Хадамоти матбуоти Президенти Ҷумҳурии Тоҷикистон/ АМИТ «Ховар»
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
