Вобаста ба нақши маорифи шаҳри Душанбе дар баланд бардоштани маърифати зиддикоррупсионии аҳолӣ ҳамоиш доир шуд
ДУШАНБЕ, 29.03.2025. /АМИТ «Ховар»/. Дар шаҳри Душанбе таҳти унвони «Нақши маорифи пойтахт дар баланд бардоштани маърифати зиддикоррупсионии аҳолӣ» ҳамоиш баргузор гардид. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Зимни ҳамоиш иброз гардид, ки коррупсия яке аз масъалаҳои мушкили замони муосир ба ҳисоб рафта, садди роҳи рушду инкишофи тамоми соҳаҳо мегардад.
Таъкид карда шуд, ки яке аз роҳҳои пешгирии амалҳои коррупсионӣ ташаккули шуури зиддикоррупсионӣ ва фарҳанги зиддикоррупсионӣ аз зинаи таҳсилоти томактабӣ ва миёнаи умумӣ мебошад. Дар ҷараёни он насли наврас, падару модарони онҳо ва аҳли маориф оид ба зуҳуроти коррупсия ҳамчун воқеияти номатлуби муосир маълумоти муайян пайдо менамоянд ва аз роҳҳои пешгирии паҳншавии он огоҳ мегарданд.
Иштирокчиёни ҳамоиш изҳор доштанд, ки натиҷаҳои амалҳои коррупсионӣ дар соҳаи маориф, новобаста аз он ки бо ташаббуси кӣ ва чӣ гуна ба амал бароварда мешаванд, хатарҳои хеле зиёд ва нобахшиданӣ доранд.
Зеро аҳли маориф ба таълиму тарбияи насли ояндасози миллат сару кор дошта, руҳияи миллатро барои оянда ташаккул медиҳад ва бо ин амали нангин шикаст додани руҳияи қавии насли наврас, ки ояндасози давлату миллат мебошад, нобахшиданӣ аст.
Коррупсия дар раванди тарбияи сиёсии наврасону ҷавонон чунон оқибати баде дорад, ки даҳсолаҳо ба муҳити ҷомеа ва равандҳои иҷтимоию сиёсӣ таъсир мерасонад.
АКС: Сарраёсати маорифи шаҳри Душанбе
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
