35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода 7 муассисаи томактабӣ бунёд мегардад
ТУРСУНЗОДА, 07.04.2025 /АМИТ«Ховар»/. Ба муносибати ҷашни 35-солагии Истиқлоли давлатӣ ва иҷрои супоришҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ оид ба бунёд намудани муассисаҳои томактабӣ дар маҳаллаҳое, ки зиёда аз 100 хоҷагӣ зиндагӣ менамоянд, дар шаҳри Турсунзода 7 кӯдакистон сохта мешавад. Дар ин хусус ба хабарнигори АМИТ «Ховар» Субҳониддини Маҳмуд сармутахассиси шуъбаи маорифи шаҳри Турсунзода Фурқатҷон Саидов иттилоъ дод.
Муассисаҳои томактабӣ дар ҷамоатҳои деҳот ва маркази шаҳр сохта мешаванд. Лоиҳаҳои ин муассисаҳо дар беҳтарин шакл тарҳрезӣ шуда, 7 кӯдакистон барои 1012 кӯдак пешбинӣ шудааст. Инчунин биноҳои кӯдакистонҳо бо тамоми таҷҳизоти замонавӣ ва мизу курсиҳои наву бозичаҳои кӯдакона таъмин карда мешаванд.
Соҳибкорони бонангу баномуси шаҳр бо бунёди ин муассисаҳои томактабӣ ва рушд додани соҳаи маориф дар босаводу донишманд ва забондону бохирад ба воя расидани насли наврас саҳми арзанда мегузоранд. Ин аст, ки дар шаҳри Турсунзода муассисаҳои томактабии хусусӣ рушд менамоянд. Аз 7 кӯдакистони сохташаванда 6 адади он ба соҳибкорон мансуб буда, дар оянда ҳамчун муассисаҳои томактабии хусусӣ фаъолият менамоянд.
Дар айни замон дар шаҳри Турсунзода 20 ширхоргоҳ-кӯдакистон фаъолият дорад, ки дар 118 гурӯҳи он 2630 кӯдак ба тарбия фаро гирифта шудааст.
Сокинони шаҳри Турсунзода бо азму иродаи қавӣ барои иҷрои супоришҳои Сарвари давлат фаъолият менамоянд. Дар ояндаи наздик дар ҳамаи деҳаю маҳаллаҳое, ки зиёда аз сад хоҷагӣ зиндагӣ менамоянд, муассисаҳои томактабӣ бунёд мешаванд, то фарзандон забондону бохирад ва хештаншиносу ватандӯст тарбия ёбанд.
АКС: Мақомоти иҷроияи ҳокимияти давлатии шаҳри Турсунзода
35-СОЛАГИИ ИСТИҚЛОЛИЯТИ ДАВЛАТӢ. Дар Ҷамоати деҳоти Ванқалъаи ноҳияи Шуғнон 3 фароғатгоҳ бунёд карда мешавад
НАМУНАИ ИБРАТ. Соҳибкорону сокинони деҳоти Кангурти ноҳияи Темурмалик дар корҳои созандагию ободонӣ саҳми назаррас мегузоранд
Барои омӯзгорони деҳаи дурдасти ноҳияи Ховалинг хобгоҳ сохта шуд
Дар деҳаи Шаҳбури ноҳияи Данғара меҳмонхонаи замонавии «Шоҳроҳ» ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ сохтмони якчанд иншооти ҷашнӣ идома дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Зафаробод Маркази хизматрасонии «Зарафшон» ба истифода дода шуд
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд
