Дар ҷаласаи 66-уми Шурои электроэнергетикии ИДМ иқтидори гидроэнергетикии Тоҷикистон баррасӣ гардид
ДУШАНБЕ, 03.04.2025 /АМИТ «Ховар»/. Иқтидори гидроэнергетикии Ҷумҳурии Тоҷикистон зиёда аз 500 миллиард кВт-соат дар як солро ташкил медиҳад, ки то имрӯз танҳо 4 фоизи он мавриди истифода қарор гирифтааст. Чунин изҳор дошт Вазири энергетика ва захираҳои оби Ҷумҳурии Тоҷикистон Далер Ҷумъа дар ҷаласаи 66-уми Шурои электроэнергетикии Иттиҳоди Давлатҳои Мустақил (ШЭЭ ИДМ), ки дар шаҳри Қазони Русия баргузор гардид.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад, ки дар ҷаласа Далер Ҷумъа ҳамзамон ба аҳамияти лоиҳаи минтақавии хати интиқоли барқи «САSA-1000» ишора намуда, иброз дошт, ки 31 марти соли 2025 хати интиқоли барқи 500 кВ «Датка – Суғд» байни Ҷумҳурии Тоҷикистон ва Ҷумҳурии Қирғистон бо иштироки Сарварони давлатҳо ба истифода дода шуд.
Вазири энергетика ва захираҳои оби Тоҷикистон бо ишора ба иқтидори бойи энергетикии Тоҷикистон гуфт, ки тамоми кӯшишҳо ба истифодаи пурраи иқтидори бузурги гидроэнергетикӣ равона гардида, дар ин замина сохтмони Неругоҳи барқи обии «Роғун» бо иқтидори умумии 3 780 МВт идома дорад.
Дар ҷаласа масъалаҳои марбут ба таҳкими ҳамкории энергетикӣ дар доираи Шурои электроэнергетикии Иттиҳоди Давлатҳои Мустақил баррасӣ гардиданд. Вазири энергетикаи Федератсияи Русия Сергей Сивилёв «Дар бораи стратегияи рушди энергетикаи Федератсияи Русия то соли 2050» ва раиси Кумитаи иҷроияи Шурои электроэнергетикии Иттиҳоди Давлатҳои Мустақил Тарас Купчиков «Дар бораи таҳияи стратегияи рушди Комплекси сӯзишворӣ-энергетикии неругоҳҳои электрикии давлатҳои иштирокчии ИДМ» маъруза намуданд.
Дар ҷаласа сана ва макони баргузории ҷаласаи 67-уми Шурои электроэнергетикии Иттиҳоди Давлатҳои Мустақил муайян гардид.
АКС: Вазорати энергетика ва захираҳои оби Ҷумҳурии Тоҷикистон
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
