Дар Душанбе Форуми байналмилалии «Табдили рақамӣ: дурнамо ва роҳҳои ҳал» оғоз гардид
ДУШАНБЕ, 07.04.2025. /АМИТ «Ховар»/. Имрӯз дар Китобхонаи миллии Тоҷикистон дар доираи ҷаласаи 27-уми Комиссияи Иттиҳоди минтақавӣ дар соҳаи алоқа доир ба танзими спектри радиобасомад ва мадори моҳвораӣ Форуми байналмилалии «Табдили рақамӣ: дурнамо ва роҳҳои ҳал» оғоз гардид.
Тавре мухбири АМИТ «Ховар» аз ҷараёни баргузории ин чорабинӣ хабар медиҳад, форум бо ташаббуси Хадамоти алоқаи назди Ҳукумати Ҷумҳурии Тоҷикистон дар ҳамкорӣ бо Созмони байнамилалии алоқа ва Иттиҳоди минтақавӣ дар соҳаи алоқа ташкил гардид, ки дар он намояндагон аз 19 давлати ҷаҳон иштирок доранд.
Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло зимни ифтитоҳи Форуми «Табдили рақамӣ: дурнамо ва роҳҳои ҳал» иброз намуд, ки ҷониби Тоҷикистон омода аст бо созмонҳои марбута ва мамлакатҳои дуру наздик дар бахши алоқа ҳамкории судмандро тақвият бахшад.
Дар идомаи форум, ки то бегоҳ идома меёбад, иштирокчиён масъалаҳои густариши ҳамкории мутақобили судманд байни операторони алоқаи барқии мамлакат, фароҳам овардани дастрасии ҳамсон ба алоқаи барқӣ дар давлатҳо, навсозии инфрасохтори соҳа, бунёди майдонҳои нави истгоҳҳои базавии алоқаи мобилӣ бо стандартҳои 4G ва 5G, муносиб намудани арзиши хизматрасониҳо, пайваст шудани шабакаҳои телекоммуникатсионии ҷумҳурӣ ба таври мустақим ба системаи байналмилалии шабакаҳои кабелии зериуқёнусии Интернет ва татбиқи лоиҳаҳои муштаракро баррасӣ менамоянд.
Дар ҷаласаҳои панелӣ масъалаҳои муҳими танзими спектри радиобасомад ва мадори моҳвораӣ дар сатҳи кишварҳои минтақа ва фароминтақа мавриди таҳлилу баррасӣ қарор гирифта, он ба тақвияти ҳамкории мутақобили судманд дар бахшҳои гуногуни соҳаи алоқа замина мегузорад.
Ҷумҳурии Тоҷикистон аз соли 1991 аъзои комилҳуқуқи Комиссияи Иттиҳоди минтақавӣ дар соҳаи алоқаи барқӣ мебошад. Маротибаи нахустин аст, ки ҷаласаи ин комиссия дар Ҷумҳурии Тоҷикистон баргузор мегардад.
Ёдовар мешавем, ки ҷаласаи 27-уми Комиссияи Иттиҳоди минтақавӣ дар соҳаи алоқа доир ба танзими спектри радиобасомад ва мадори моҳвораӣ бо маҷмуи ҳамоишҳои канорӣ дар шаҳри Душанбе то 11 апрел идома меёбад.
АКС: АМИТ «Ховар»
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
