Дар шаҳри Турсунзода бахшида ба Рӯзи даъватшаванда ҳамоиши тантанавӣ доир шуд

Апрель 2, 2025 09:40

ТУРСУНЗОДА, 02.04.2025/АМИТ «Ховар»/. Дар майдони Комиссариати ҳарбии  шаҳри Турсунзода Рӯзи даъватшаванда баргузор шуд. 250 нафар ҷавонони даъватшаванда дар фазои тантанавӣ бо анъанаи «Кулчагазон»-у дуои неки модарон ба сафи Қувваҳои Мусаллаҳи Ҷумҳурии Тоҷикистон ҷалб гардиданд. Дар ин хусус аз Мақомоти иҷроияи ҳокимияти давлатии шаҳри Турсунзода ба хабарнигори АМИТ «Ховар»  Субҳониддини Маҳмуд иттилоъ доданд.

Дар ҳамоиш роҳбарияти мақомоти иҷроияи ҳокимияти давлатии шаҳр, мақомоти ҳифзи ҳуқуқ, даъватшавандагон ва волидони онҳо иштирок намуданд.

Раиси шаҳри Турсунзода иброз дошт, ки «хизмат дар сафи Қувваҳои мусаллаҳ қарзи шаҳрвандӣ ба ҳисоб рафта, вазъи мураккаби ҷаҳони имрӯз аз ҳар фарди бедордил ва ҷавонони бонангу номуси тоҷик тақозо менамояд, то дар самти ҳимояи Истиқлоли давлатӣ ва марзу буми худ аз ҳарвақта дида, масъулияти бештар эҳсос намоянд. Аз ин рӯ вақти он расидааст, ки барои ҳифзи Ватани соҳибистиқлоламон бештар талош варзем».

Дар рӯзи якуми даъвати баҳорӣ дар шаҳри Турсунзода ҷамоатҳои деҳоти Ҷура Раҳмон ва Пахтаобод нақшаи даъвати баҳориро  сад фоиз иҷро намуданд.

Дар ҳамоиш  ба 243  нафар даъватшавандагоне, ки даври омӯзиши  ронандагии Ташкилоти ҷамъиятии «Мададгори мудофиа» – ро хатм намуда, барои ба сафи Артиши миллӣ пайвастан ба таври ихтиёрӣ ариза навишта буданд, шаҳодатномаи ронандагӣ супорида шуд.

Волидайни   даъватшавандагон  зимни гусели фарзандон изҳор доштанд, ки «мо шукронаи сулҳу амонии мамлакатро менамоем, зеро файзу баракат ва ҳаёти осуда аз сулҳу субот вобастааст. Хизмат ба Ватан ва ҳифзи оромию осоиштагии сарзамини муқаддас қарзи шаҳрвандии ҳар ҷавонмард буда, артиши миллӣ мактаби бузурги тарбияи ирода, ҷасорат ва шуҷоат ба ҳисоб меравад. Аз ин рӯ ба хотири пойдор мондани сулҳу субот, оромию тинҷӣ ва ҳимояи Ватан-Модар мо фарзандонамонро дар руҳияи ватандӯстӣ тарбия намуда, имрӯз бо ифтихори баланд ба сафи Артиши миллӣ гусел менамоем».

АКС: Мақомоти иҷроияи ҳокимияти давлатии шаҳри Турсунзода

Апрель 2, 2025 09:40

Хабарҳои дигари ин бахш

Ҷавонони ноҳияи Зафаробод ба таври ихтиёрӣ ба сафи Қувваҳои Мусаллаҳ пайвастанд
ВАТАНРО ЧУН МОДАРИ ХЕШ ДӮСТ БОЯД ДОШТ! Ҷавонони сарбаланди шаҳри Ваҳдат хизмат дар сафи Артиши миллиро шараф меҳисобанд
Дар Панҷакент, Конибодом, Бӯстон, Ашт ва Спитамен гусели даъватшавандагон ба сафи Қувваҳои Мусаллаҳ доир шуд
Ҷавонони шаҳри Роғун сарбаландона ба сафи Қувваҳои Мусаллаҳи Тоҷикистон пайвастанд
Намояндагони Тоҷикистон дар конфронси байналмилалӣ дар Австрия иштирок намуданд
«ТАСМАИ БЕХАТАРӢ-МУҲОФИЗИ ШУМО». Дар Тоҷикистон амалиёти мақсаднок гузаронида мешавад
Дар Деваштич маросими тантанавии гусели навҷавонон ба хизмати ҳарбӣ баргузор шуд
Дар шаҳри Кӯлоб нақшаи даъвати баҳорӣ ба сафи Қувваҳои Мусаллаҳ иҷро гардид
Дар ноҳияи Дӯстӣ даъватшавандагонро бо тантана ба хизмати ҳарбӣ гусел намуданд
ХИЗМАТ БА ВАТАН ШАРАФ АСТ! Суратгузориши АМИТ «Ховар»
Ҷавонони ноҳияи Кӯҳистони Мастчоҳро ба хизмати ҳарбӣ гусел намуданд
Нақшаи даъвати баҳорӣ дар ноҳияи Данғара дар як рӯз иҷро гардид