Долони нави мустақими ҳавоии байни Тоҷикистон ва Чин — POMIR-AGVUT ба масири транзитӣ табдил дода мешавад

Апрель 1, 2025 16:52

ДУШАНБЕ, 01.04.2025/АМИТ «Ховар»/. Дар шаҳри Душанбе 6-умин вохӯрии ҳамоҳангсозии системаҳои алоқа, навигатсия ва назорат барои идоракунии ҳаракати ҳавоӣ (CNS/ATM)-и Ҷумҳурии Тоҷикистон ва Ҷумҳурии Мардумии Чин баргузор гардид, иттилоъ медиҳад АМИТ «Ховар» бо истинод ба Корхонаи воҳиди давлатии /КВД/ «Тоҷикаэронавигатсия».

Дар мулоқот роҳбарияти Агентии авиатсияи граждании назди Ҳукумати Ҷумҳурии Тоҷикистон, Директори генералии КВД «Тоҷикаэронавигатсия» Лоиқ Бегиҷонзода, муовини маъмурияти Авиатсияи граждании Ҷумҳурии Мардумии Чин Ма Бинг, Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тсзи Шумин, ҳайати меҳмонони воломақоми авиатсияи граждании Ҷумҳурии Мардумии Чин, намояндани ширкати ҳавопаймоии «China Southern Ailines» ва мутахассисони КВД «Тоҷикаэронавигатсия» иштирок намуданд.

Дар вохӯрӣ масъалаи ба масири транзитӣ табдил додани долони нави мустақими ҳавоии миёни Ҷумҳурии Тоҷикистон ва Ҷумҳурии Мардумии Чин (POMIR-AGVUT) ва ҷалби ширкатҳои ҳавопаймоии дохилу хориҷ матраҳ гардид.

Ҳамзамон дар доираи сафари худ намояндагони воломақоми авиатсияи граждании Чин бо утоқҳои корӣ, манораи муназзимии КВД «Тоҷикаэронавигатсия» ва бо фаъолияти таъмини хизматрасонии аэронавигатсионии корхона аз наздик шинос шуданд.

Бояд тазаккур дод, ки амалишавии ин иқдомҳо на танҳо барои Тоҷикистону Чин, балки барои кишварҳои Осиё ва Аврупо имкониятҳои васеъро фароҳам меорад. Ҳамзамон, ифтитоҳи долони нави ҳавоӣ барои рушди иқтисод ва таҳкими шарикии стратегии ҳарду давлат ва дигар кишварҳои минтақа муҳим аст.

АКС: КВД «Тоҷикаэронавигатсия»

Апрель 1, 2025 16:52

Хабарҳои дигари ин бахш

Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд
Дар Павилиони миллии Тоҷикистон дар COP31 чорабинии минтақавӣ баргузор гардид
ПАРЧАМИ ТОҶИКИСТОН — РАМЗИ ОЗОДӢ, ШАРАФ ВА ИФТИХОРИ МИЛЛАТ. Мулоҳизаҳо дар ин маврид
Дар Душанбе ҳамкории молиявии байналмилалӣ баррасӣ шуд
Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд