«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
ДУШАНБЕ, 21.04.2025 /АМИТ «Ховар»/. 21 апрел дар Муассисаи давлатии таълимии «Коллеҷи махсусгардонидашудаи шаҳри Бохтар» тибқи нақшаи муштараки Сарраёсати ҳифзи муҳити зист дар вилояти Хатлон ва Раёсати беҳдошти замин ва кишоварзии вилояти Хатлон бахшида ба Рӯзи умумиҷаҳонии замин ва эълон гардидани соли 2025 ҳамчун Соли ҳифзи пиряхҳо таҳти унвони «Замин — ганҷинаи хайру саховат» конференсияи илмӣ-амалии вилоятӣ баргузор гардид.
Дар оғози кори конференсия иштирокдорон аз намоиши қитъаи замини таҷрибавии Коллеҷ боздид намуданд. Сипас, зимни ифтитоҳи конференсия директори Муассисаи давлатии таълимии «Коллеҷи махсусгардонидашудаи шаҳри Бохтар» Шаҳром Ҷалилов таъкид намуд, ки Рӯзи Замин ҳамасола 22 апрел ҷашн гирифта мешавад.
Соли 2009 Маҷмаи Умумии Созмони Милали Муттаҳид қатънома қабул намуд, ки ҳамасола санаи 22 апрел чун Рӯзи байналмилалии Замин таҷлил карда шавад. Ҳадафи чунин иқдом — ҷалби оммаи васеъ ба масоили мубрами ҳифзи муҳити зист мебошад.
Таъкид гардид, ки Замин хонаи умумии мост ва барои ноил шудан ба мувозинаи одилона миёни талаботи мавҷудаи иқтисодӣ, иҷтимоӣ ва экологӣ, инчунин таъмини муназзамии табиати сайёра барои наслҳои оянда, андешидани чораҳои мушаххас зарур аст. Масъалаҳои доғи экологӣ — аз қабили гармшавии иқлим, сӯрохшавии қабати озон, об шудани пиряхҳо, баланд шудани сатҳи оби уқёнусҳо, эрозияи хок, ихроҷи дуди ғализи корхонаҳои саноатӣ, бодлесӣ, ифлосшавии муҳити зист бо маводҳои кимиёвӣ ва садҳо муаммои дигар, худ ба худ ба миён наомадаанд. Ҳамаи ин натиҷаи дахолати инсон ба равандҳои табиӣ мебошанд.
Вазифаи асосии ин сана — хотиррасон кардани масъулияти инсон ва ҷалби таваҷҷуҳ ба хатару чолишҳои глобалӣ мебошад, ки хонаи умумии моро таҳдид мекунанд.
Гуфта шуд, ки дар Тоҷикистон низ бахшида ба Рӯзи Замин чорабиниҳои гуногун доир мегарданд. Дар ин рӯз гузаронидани ҳамагуна чорабиниҳои назариявию амалӣ, ба монанди семинару мизҳои мудаввар, аксияҳои экологӣ, аз ҷумла тоза кардани заминҳои бо заҳрхимикатҳо олуда, ҷамъоварии партовҳои пластикӣ ва дигар иқдомҳо ба ҳукми анъана даромадаанд.
Бояд таъкид кард, ки ҳудуди Тоҷикистонро 93% куҳсор ташкил медиҳад. Дар сурати самаранок ва оқилона истифода бурдани ҳар як қитъаи замин мо меҳру муҳаббати худро нисбат ба Замин — Модар нишон медиҳем. Ин масъулияти умумии мо ва масъулияти ҳар як фард аст.
Ҳамоиш бо ташаббуси Сарраёсати ҳифзи муҳити зист дар вилояти Хатлон, Раёсати беҳдошти замин ва кишоварзии вилояти Хатлон ва Муассисаи давлатии таълимии «Коллеҷи махсусгардонидашудаи шаҳри Бохтар» баргузор гардид.
АКС: Муассисаи давлатии таълимии «Коллеҷи махсусгардонидашудаи шаҳри Бохтар»
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
