35-СОЛАГИИ ИСТИҚЛОЛИ ДАВЛАТӢ. Роҳи деҳаи Нурободи ноҳияи Шаҳринав мумфарш карда шуд

ШАҲРИНАВ, 13.05.2025 /АМИТ «Ховар»/. Дар доираи корҳои ободонию созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон  як километр роҳи деҳаи Нурободи Ҷамоати деҳоти Истиқлоли ноҳияи Шаҳринав бо ташаббуси соҳибкорону сокинони ҷамоат мумфарш карда шуд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.

Роҳбарияти ноҳия  зимни оғози  мумфаршкунии роҳҳои маҳаллӣ  иброз намуданд, ки бо дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон омодагиҳо ба ҷашни 35-солагии Истиқлоли давлатии Ҷумҳурии Тоҷикистон идома доранд.

То имрӯз дар ноҳия садҳо иншоот ба истифода дода шуда, барои ривоҷи корҳо дар ин самт сохтмони иншооти таъйиноти гуногун низ ба нақша гирифта шудааст. Дар ин раванд мумфаршкунии роҳҳои маҳаллӣ бо дастгирии соҳибкорони бонанги диёр ва сокинони маҳал  низ вусъат меёбад. Амалӣ намудани  ин кори хайр ба рушди деҳот таъсири мусбат расонида,  барои  фарзандон ва насли оянда шароити хуб фароҳам оварда мешавад.

АКС: Мақомоти иҷроияи ҳокимияти давлатии ноҳияи Шаҳринав