Дар «Dushanbe EXPO Centre» намоишгоҳи саноатии молҳои Тоҷикистон оғоз гардид
ДУШАНБЕ, 30.05.2025 /АМИТ «Ховар»/. Дар доираи Конфронси байналмилалии сатҳи баланд оид ба ҳифзи пиряхҳо, ки дар пойтахти Тоҷикистон-шаҳри Душанбе идома дорад, 29 май дар «Dushanbe EXPO Centre» Намоишгоҳи саноатии молҳои Тоҷикистон ифтитоҳ гардид, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Намоишгоҳ ба таъмини рушди соҳаи саноат ва ноил гардидан ба ҳадафи чоруми стратегии миллӣ – саноатикунонии босуръати мамлакат бахшида шуда, ҳадафаш муаррифии маҳсулоти корхонаҳои саноатии истеҳсолӣ ба меҳмонон ва иштирокдорони Конфронси байналмилалии сатҳи баланд оид ба ҳифзи пиряхҳо ва ба ин васила тақвияти ҳамкорӣ бо кишварҳои иштирокдор мебошад.
Дар Намоишгоҳи маҳсулоти саноатии Тоҷикистон гӯшаҳои соҳаҳои саноати мошинсозӣ, кимиё, нассоҷӣ, маъдан, канданиҳои фоиданок, масолеҳи сохтмон, ангишт, технологияи иттилоотӣ, энергетика, хӯрокворӣ ва кишоварзӣ ташкил карда шудаанд. Инчунин коргоҳу корхонаҳои саноатию истеҳсолии мамлакат номгӯи зиёди маҳсулоти ватаниро ба намоиш гузоштаанд.
Дар майдони кушоди намоишгоҳ воситаҳои нақлиёти мусофиркаш ва боркаш, ҳарбӣ-муҳофизатӣ ва техникаҳои кишоварзие, ки дар Тоҷикистон истеҳсол ва бастабандӣ мегарданд, ба маърази тамошо гузошта шудаанд.
Ташкили чунин намоишгоҳҳо боиси баланд бардоштани нуфузи Тоҷикистон дар сатҳи байналмилалӣ, густариши ҳамкории корхонаҳои саноатии мамлакат бо ширкатҳои хориҷӣ ва афзоиши иқтидори содиротии мамлакат тавассути таъсиси корхонаҳои муштарак бо технологияҳои муосир мувофиқи мақсад мебошад.
Иштирокдорони Конфронси байналмилалии сатҳи баланд оид ба ҳифзи пиряхҳо, ҷонибҳои алоқаманд, аз ҷумла ташкилоти байналмилалӣ ва миллӣ, муассисаҳои илмӣ ва молиявӣ, бахши хусусӣ ва дигар сохторҳои марбутаи мамлакат Намоишгоҳи молҳои саноатии Тоҷикистонро дар «Dushanbe EXPO Centre» тамошо менамоянд.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
