Дар Душанбе консерти оркестри симфонии ҷавонони Иттиҳоди Давлатҳои Мустақил баргузор шуд
ДУШАНБЕ, 15.05.2025 /АМИТ «Ховар»/. 14 май дар ҳошияи Форуми зиёиёни эҷодкор ва олимони кишварҳои аъзои Иттиҳоди Давлатҳои Мустақил дар Театри давлатии академии опера ва балети ба номи Садриддин Айнӣ барномаи консертии оркестри симфонии ҷавонони Иттиҳоди Давлатҳои Мустақил дар соли 2025 баргузор шуд.
Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Дар барномаи консертӣ асарҳои мусиқии классикони маъруф навохта шуданд.
Бояд гуфт, ки оркестри симфонии ҷавонони Иттиҳоди Давлатҳои Мустақил бо ташаббуси Бунёди байнидавлатии ҳамкории башардӯстонаи кишварҳои аъзои Иттиҳоди Давлатҳои Мустақил таъсис ёфтааст. Ба ҳайати оркестри симфонӣ аз рӯи анъана навозандагони ҷавони кишварҳои аъзои Иттиҳоди Давлатҳои Мустақил ва ғолибони озмунҳои бонуфузи мусиқӣ дохил мебошанд.
Оркестри ҷавонон яке аз лоиҳаҳои барҷастаи Бунёди байнидавлатии ҳамкории башардӯстонаи кишварҳои аъзои Иттиҳоди Давлатҳои Мустақил мебошад. Ҳадафи он на танҳо фаъолияти консертӣ, балки имкони беназири муоширати навозандагони ҷавон бо дирижёрҳои барҷаста ва устодони маъруфи оркестр аз тамоми кишварҳои аъзои Иттиҳоди Давлатҳои Мустақил мебошад.
Ёдовар мешавем, ки 14 май дар Душанбе Форуми XVIII зиёиёни эҷодкор ва олимони кишварҳои аъзои Иттиҳоди Давлатҳои Мустақил оғоз гардид, ки имрӯз идома меёбад.
АКС: Академияи миллии илмҳои Тоҷикистон
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
