Дар Душанбе оид ба Даҳсолаи амал дар самти илмҳои криосфера форум доир мегардад
ДУШАНБЕ, 29.05.2025 /АМИТ «Ховар»/. Имрӯз дар Душанбе таҳти унвони «Аз Соли байналмилалии ҳифзи пиряхҳо то Даҳсолаи амал дар самти илмҳои криосфера» форум доир мегардад, иттилоъ медиҳад АМИТ «Ховар».
Форум дар доираи Конфронси байналмилалии сатҳи баланд оид ба ҳифзи пиряхҳо ва бахшида ба Соли байналмилалии ҳифзи пиряхҳо (2025) доир шуда, дар он коршиносон, намояндагони ватанӣ ва хориҷӣ иштирок менамоянд.
Ҷумҳурии Тоҷикистон ҳамчунин дар идомаи пешбурди рӯзномаи ҳифзи пиряхҳо якҷо бо Фаронса оид ба эълони солҳои 2025-2034 ҳамчун «Даҳсолаи амал барои дастгирии илмҳои яхшиносӣ» (криосферӣ) пешниҳод манзур намуд, ки тавассути қатъномаи Маҷмаи Умумии Созмони Милал 13 августи соли 2025 ҷонибдорӣ ёфт.
Форум намояндагони ҳукуматҳо, ҷомеаи илмӣ, маориф, ҷомеаи шаҳрвандӣ ва созмонҳои байналмилалиро муттаҳид менамояд. Дар форум муҳокимаҳо ба се мавзуи асосӣ: таҳқиқоти илмӣ, таълим ва баланд бардоштани иқтидор; натиҷаи иҷтимоӣ-иқтисодӣ ва устуворӣ; сиёсат, маъракаҳои иттилоотӣ ва маблағгузорӣ — фарогирии пурраи масъалаҳои марбут ба омӯзиш, мониторинг ва идоракунии криосфера нигаронида мешаванд.
Форум метавонад имконияти хуб барои муттаҳид кардани кӯшишҳо, табодули донишҳо ва дастгирии амал дар минтақаҳои осебпазир ба тағйирёбии иқлим, аз ҷумла Осиёи Марказӣ, ки конфронси мазкур дар инҷо баргузор мешавад, гардад.
Бояд гуфт, ки Созмони Милали Муттаҳид бо ташаббуси Президенти Ҷумҳурии Тоҷикистон соли 2025-ро Соли байналмилалии ҳифзи пиряхҳо эълон намуд, то дар ин сол ба пиряхҳо аҳаммияти махсус зоҳир гардад. Ҳамзамон зиндагии нафароне, ки аз он вобастагӣ дорад ва равандҳои криосферӣ ба онҳо таъсир мерасонанд, кафолати дастрасӣ ба хизматрасонии гидрологӣ, метеорологӣ ва иқлимиро пайдо кунад. Дар ин замина конфронс нақши муҳими минтақаҳои кӯҳиро ҳамчун манбаи асосии оби тоза ва экосистемаи ҷаҳонӣ нишон медиҳад.
Ёдовар мешавем, ки Ҷумҳурии Тоҷикистон аз имрӯз то 31 май мизбони Конфронси байналмилалии сатҳи баланд оид ба ҳифзи пиряхҳо мебошад.
Конфронси байналмилалии сатҳи баланд оид ба ҳифзи пиряхҳо дар доираи Соли байналмилалии ҳифзи пиряхҳо, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда, аз ҷониби зиёда аз 150 кишвари аъзои Созмони Милали Муттаҳид дар иҷлосияи 77-уми Маҷмаи Умумии Созмони Милали Муттаҳид моҳи декабри соли 2022 дастгирӣ ёфт ва бо қатъномаи Маҷмаи Умумии Созмони Милали Муттаҳид қабул гардид, гузаронида мешавад.
АКС: АМИТ «Ховар»
Дар доираи Конфронси байналмилалии сатҳи баланд оид ба ҳифзи пиряхҳо бо иштироки Сарвазири Тоҷикистон ҷаласаи пленарӣ доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Директори Агентии обуҳавошиносӣ: «Конфронси имрӯза заминаи боэътимод дар самти ҳифзи пиряхҳо дар минтақа мегардад»
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Кэтрин Рассел: «Бо ташаббусҳои арзишманди ҷаҳонии Президенти Тоҷикистон мо метавонем ба ҳадафҳои назаррас ноил гардем»
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
Президенти Тоҷикистон: «Хокборишҳои шадиди чанд даҳсолаи охир ба раванди обшавии пиряхҳо суръат мебахшанд»
«ПИРЯХҲО ВА ИЛМ». Чорабиние, ки олимону муҳаққиқонро барои ҳалли мушкилоти вобаста ба ҳифзи пиряхҳо ҷамъ овард
Эмомалӣ Раҳмон: «Тоҷикистон барои ҳифзи пиряхҳо ҷомеаи ҷаҳониро ба андешидани тадбирҳои таъхирнопазири қатъӣ даъват менамояд»
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Президенти Ҷумҳурии Тоҷикистон Эмомалӣ Раҳмон директори иҷроияи Бунёди иқлими сабз Мафалда Дуартеро ба ҳузур пазируфтанд
