Дар Душанбе рушди тиҷорати дуҷониба байни Тоҷикистон ва Латвия баррасӣ гардид
ДУШАНБЕ, 30.05.2025 /АМИТ «Ховар»/. 29 май муовини Вазири рушди иқтисод ва савдои Ҷумҳурии Тоҷикистон Фарҳод Восидиён бо Сафири Фавқулода ва Мухтори Ҷумҳурии Латвия бо қароргоҳ дар шаҳри Тошканд Рейнис Трокша вохӯрӣ анҷом дод, ки зимни он масъалаи рушди тиҷорати дуҷониба мавриди баррасӣ қарор гирифт. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Фарҳод Восидиён нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар таҳкими субот ва рушди ҳамкории байналмилалӣ таъкид намуда, иброз дошт, ки сиёсати созандаи роҳбарияти олии Тоҷикистон барои густариши ҳамкорӣ бо кишварҳои гуногун, бахусус Латвия заминаи устувор фароҳам овардааст.
Дар ҷараёни вохӯрӣ масъалаи густариши ҳамкории иқтисодӣ ва тиҷоратӣ баррасӣ гардид. Ҷонибҳо ба рушди муносибатҳои дуҷониба таваҷҷуҳ зоҳир карда, зарурати таҳкими равобит дар бахшҳои афзалиятнокро таъкид намуданд.
Ҳамзамон дар идомаи мулоқот ҷонибҳо масъалаи ҷалби сармоягузориро баррасӣ намуда, тавсеаи ҳамкории иқтисодиро омили асосии афзоиши имконияти тиҷоратӣ ва саноатӣ донистанд.
Дар анҷоми вохӯрӣ ҳарду ҷониб барои таҳкими ҳамкории иқтисодӣ ва татбиқи лоиҳаҳои муштарак изҳори ҳавасмандӣ намуданд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе нахустин Форуми байналмилалии иқтисодии Осиёи Марказӣ доир гардид
Форуми сармоягузории Тоҷикистон ва Муғулистон баргузор мегардад
Дар Тоҷикистон беш аз 34 ҳазор нақлиёти барқӣ ба қайд гирифта шуд
Татбиқи лоиҳаҳои афзалиятноки Тоҷикистон бо Бонки ҷаҳонӣ барои Осиёи Марказӣ баррасӣ гардид
Дар Душанбе оид ба иҷрои дастуру супоришҳои Паёми Президенти Ҷумҳурии Тоҷикистон ба Маҷлиси Олӣ ҷаласаи Гурӯҳи корӣ доир гардид
Ба дарёи Қаратоғ 3700 гулмоҳии нодири амударёӣ сар дода шуд
Парвозҳои мустақим дар масири Самарқанд — Душанбе — Самарқанд оғоз гардиданд
Дар ноҳияи Мастчоҳ дар беш аз 22 ҳазор гектар зироат кишт карда шуд
Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
35-СОЛАГИИ ИСТИҚЛОЛИ ДАВЛАТӢ. Дар Истаравшан 100 корхонаи саноатӣ фаъолият менамояд
Фаъолияти марказҳои «Тоҷикстандарт» дар вилояти Суғд тақвият меёбад
«Centrum Air» парвозҳои мустақимро дар масири Тошканд-Душанбе-Тошканд оғоз намуд
