Дар Маҷмааи лижаронии «Сафеддара» ниммарафони байналмилалӣ баргузор мегардад
ДУШАНБЕ, 28.05.2025. /АМИТ «Ховар»/. Дар доираи баргузории Конфронси байналмилалии сатҳи баланд оид ба ҳифзи пиряхҳо 1 июн дар Маҷмааи лижаронии «Сафеддара» ниммарафони байналмилалӣ баргузор мегардад. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар чорабинии оммавии варзишӣ дар назар аст, ки 500 нафар меҳмонони Конфронси байналмилалии сатҳи баланд оид ба ҳифзи пиряхҳо иштирок намоянд.
Ҳадаф аз баргузории ниммарафон ҷалби таваҷҷуҳи ҷомеа ба масъалаҳои тағйирёбии иқлим, ҳифзи муҳити зист ва обшавии босуръати пиряхҳо мебошад, ки барои захираҳои обии Тоҷикистон ва дар маҷмуъ минтақа аҳамияти хосса доранд.
Мусобиқа дар мавзеъҳои зебоманзари Сафеддара, воқеъ дар километри 50-уми Душанбе, дар баландии 1600 метр аз сатҳи баҳр доир карда мешавад. Мақсади он тараққӣ додани соҳаи сайёҳӣ, муаррифии шоистаи имконияти сайёҳии мамлакат ва фарҳанги миллӣ дар арсаи байналмилалӣ мебошад.
Бояд иброз намуд, ки Маҷмааи варзишу истироҳати «Сафеддара» яке аз мавзеъҳои дилрабои Тоҷикистон мебошад. «Сафеддара» ягона машқгоҳи варзишии зимистона дар Тоҷикистон буда, солона ҳудуди 3 ҳазор нафар ба ин минтақа барои истироҳат мераванд. Маҷмаа дар баландии 2300 метр ҷойгир шуда, дар ин мавзеъ меҳмонхонаи замонавӣ барои қабули то 240 нафар меҳмон, маркази солимгардонӣ ва толори баргузории конфронсҳо барои 120 ҷойи нишаст амал менамояд. Инчунин дар ин маҷмаа ду хати роҳи ҳаракати ҳавоӣ ба масофаи 2000 метр мавҷуд буда, дорои 140 воситаи болобарандаи варзишгарон мебошад.
Тавре Пешвои миллат муҳтарам Эмомалӣ Раҳмон дар маросими ифтитоҳи Маҷмааи варзишу истироҳатии «Сафеддара» иброз доштанд: ««Сафеддара», ки ягона машқгоҳи варзишии зимистонаи Тоҷикистон мебошад, ҳар сол ба он қариб се ҳазор нафар сайёҳону варзишгарони дохилию хориҷӣ меоянд. Бояд гуфт, ки иқлими мусоиду мавқеи ҷуғрофии ин маҷмаа имкон медиҳад, ки варзиши лижаронӣ то охири моҳи май идома ёбад».
Ёдовар мешавем, ки Ҷумҳурии Тоҷикистон аз 29 то 31 май мизбони Конфронси байналмилалии сатҳи баланд оид ба ҳифзи пиряхҳо мебошад.
Конфронси байналмилалии сатҳи баланд оид ба ҳифзи пиряхҳо дар доираи Соли байналмилалии ҳифзи пиряхҳо, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда, аз ҷониби зиёда аз 150 кишвари аъзои Созмони Милали Муттаҳид дар иҷлосияи 77-уми Маҷмаи Умумии Созмони Милали Муттаҳид моҳи декабри соли 2022 дастгирӣ ёфт ва бо қатъномаи Маҷмаи Умумии Созмони Милали Муттаҳид қабул гардид, гузаронида мешавад.
Зарангези ЛАТИФ,
АМИТ «Ховар»
АКС: АМИТ «Ховар»
Дар Душанбе оид ба Даҳсолаи амал дар самти илмҳои криосфера форум доир мегардад
Дар мавзуи «Тоҷикистон – пешоҳанги ҳифзи пиряхҳо дар ҷаҳон» конференсияи байналмилалӣ доир шуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Имрӯз дар доираи он форумҳои пешазконфронсӣ ва чорабиниҳои фарҳангӣ доир мешаванд
Ҳалли масъалаи обшавии босуръати пиряхҳо сиёсати ҳадафманду мушаххасро тақозо менамояд
Ноиби Президенти Бонки Осиёии рушд бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуд
Бахшида ба Кофронси сатҳи баланд оид ба ҳифзи пиряхҳо таҳти унвони «Самтҳои афзалиятноки рушди иқтисоди миллӣ» Форуми II иқтисодӣ доир шуд
Кетрин Мери Рассел: «Дар мулоқот бо Президенти Тоҷикистон масъалаҳои марбут ба тағйирёбии иқлимро баррасӣ намудем»
Пешвои миллат Эмомалӣ Раҳмон Директори иҷроияи Хазинаи кӯдакони Созмони Милали Муттаҳид Кетрин Мери Расселро ба ҳузур пазируфтанд
Константино Чивенга: «Тоҷикистон дар самти тавлиди энергияи «сабз» таҷрибаи нодир дорад»
Президенти Ҷумҳурии Тоҷикистон Эмомалӣ Раҳмон муовини якуми Президенти Ҷумҳурии Зимбабве Константино Чивенгаро ба ҳузур пазируфтанд
Ингминг Янг: «Бонки Осиёии рушд ҳамкории судмандро бо Тоҷикистон мутобиқ ба стратегияи шарикии мамлакат таҳким мебахшад»
Барои иштирокдорони Конфронси байналмилалии сатҳи баланд оид ба ҳифзи пиряхҳо барномаи фарҳангӣ доир карда мешавад
