ИСТИФОДАИ САМАРАНОКИ ЗАМИН. Дар Панҷакент дар 3900 гектар картошка кишт карда мешавад
ДУШАНБЕ, 04.05.2025. /АМИТ «Ховар»/. Тибқи нақша, имсол дар шаҳри Панҷакент дар 3900 гектар картошка кишт карда мешавад. То охири моҳи апрел кишоварзон дар 1200 гектар картошка кишт намудаанд.
Тавре ба АМИТ «Ховар» аз хадамоти матбуоти Раиси вилояти Суғд иттилоъ доданд, шаҳри Панҷакент яке аз минтақаҳои пешсаф дар соҳаи кишоварзӣ маҳсуб шуда, сол ба сол ҳаҷми истеҳсоли маҳсулоти кишоварзӣ дар ин шаҳр афзоиш меёбад. Кишоварзони шаҳр дар парвариши маҳсулоти гуногуни кишоварзӣ, аз ҷумла картошка таҷрибаи бой дошта, яке аз таъминкунандагони асосии бозори дохилӣ ба ҳисоб мераванд.
Хоҷагии деҳқонии «Мирзо Қиёмов» дар Ҷамоати деҳоти Халифа Ҳасан дар самти картошкапарварӣ пешсаф буда, имсол дар 13 гектар картошка кишт кардааст. Тухмии аз ноҳияи Кӯҳистони Мастчоҳ вориднамуда ба иқлими маҳал мутобиқ буда, имкони ба даст овардани то 400-сентнерӣ ҳосилро аз ҳар гектар фароҳам меорад. Пас аз ҷамъоварии ҳосил кишти сабзӣ ба нақша гирифта шудааст.
Сокини Ҷамоати деҳоти Лоиқ Шералии шаҳри Панҷакент Парвиз Зарифзода дар 14 гектар гармхона ташкил карда, дар он бодиринг, помидор ва дигар сабзавот парвариш менамояд. Аз ин гармхона ҳар рӯз зиёда аз 100 килограмм бодиринг ҷамъоварӣ мегардад. Дар гармхона 10 нафар бо ҷойи кори доимӣ таъмин шудаанд.
Сокини дигари шаҳр Муродқул Юсуфов низ дар 1 гектар гармхонаи замонавӣ бунёд намудааст. Он бо технологияи пешрафта муҷаҳҳаз гардида, имкон медиҳад, ки дар як сол чор маротиба ҳосил ба даст ояд. Дар гармхона обёрӣ ва ғизодиҳӣ ба таври автоматикӣ мебошад, ки ин хароҷотро кам ва ҳосилнокиро зиёд менамояд.
АКС: Хадамоти матбуоти Раиси вилояти Суғд
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
