КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Иштирокдорони ин чорабинӣ бо мероси ғании фарҳангии мардуми тоҷик аз наздик шинос мешаванд
ДУШАНБЕ, 17.05.2025 /АМИТ «Ховар»/. Конфронси байналмилалии сатҳи баланд оид ба ҳифзи пиряхҳо, ки 29-31 майи соли 2025 дар пойтахти Тоҷикистон – шаҳри Душанбе баргузор мегардад, ба иштирокдорон имконияти беназир фароҳам меорад, ки на танҳо мушкилоти марбут ба обу иқлимро дар сатҳи ҷаҳонӣ баррасӣ намоянд, балки бо мероси ғании фарҳангии мардуми тоҷик аз наздик шинос шаванд.
Тавре АМИТ «Ховар» бо истинод ба котиботи конфронс иттилоъ медиҳад, дар доираи конфронс баргузории чорабиниҳои гуногуни фарҳангӣ ба нақша гирифта шудааст, ки ба иштирокдорон имкон медиҳад бо фазои анъана, ҳунар ва меҳмоннавозии Тоҷикистон аз наздик шинос шаванд. Аз ҷумла, намоиши ҳунарҳои мардумӣ ва ҳунарҳои дастию санъати тасвирӣ, ки дар он маҳсулоти ҳунармандони тоҷик — аз гулдӯзӣ ва қолинбофӣ то заргарӣ ба намоиш гузошта мешавад.
Инчунин меҳмонон имкон доранд таъму лаззати таомҳои миллиро, ки инъикоскунандаи гуногунии гастрономӣ ва анъанаҳои қадимии ошпазии Тоҷикистон мебошанд, бичашанд. Ҳамзамон намоиши обҳои нӯшокӣ, манбаъҳои табиӣ ва сарватҳои оби минтақа ташкил карда мешавад. Дар барномаи калони консертӣ бо иштироки ҳунармандони шинохта, устодони санъат, ансамблҳо ва дастаҳои ҳунарӣ мерос ва санъати мусиқӣ ва рақси тоҷикон пешниҳоди иштирокдорони конфронси сатҳи баланд гардонида мешавад.
Дар барномаи либосҳои миллӣ пироҳанҳои гуногуни суннатӣ аз манотиқи мухталифи Тоҷикистон намоиш дода мешаванд. Бояд тазаккур дод, ки барномаҳои намоишӣ ва намоишҳои мавзуӣ таърих ва асолати фарҳанги нотакрори тоҷиконро инъикос менамоянд. Фарҳанги миллии тоҷикон решаҳои амиқи таърихӣ дошта, бо анъанаҳои бостонии худ, ёдгориҳои нодири хатӣ, осори аслии санъати тасвирӣ, инчунин мероси мусиқии худ дар ҷаҳон машҳур аст.
Дар байни рамзҳои ҷолибтарин чакан аст, ки ба феҳристи мероси фарҳангии ғайримоддии ЮНЕСКО дохил карда шудааст, инчунин жанрҳои анъанавӣ мусиқии Шашмақом ва Фалак мебошанд. Мусиқии мардумӣ ва фарҳанги Тоҷикистон бой ва гуногун аст.Онҳо хислату ҳиссиёти мардум, тарзи зиндагонӣ, меҳнат, урфу одат ва анъанаҳои тоҷиконро таҷассум менамоянд.
Конфронси байналмилалии сатҳи баланд оид ба ҳифзи пиряхҳо чорабинии муҳим ва калидӣ буда, дар чаҳорчӯби эълон гардидани соли 2025 Соли байналмилалии ҳифзи пиряхҳо, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон 14 декабри соли 2022 дар иҷлосияи 77-уми Созмони Милали Муттаҳид бо дастгирӣ ва иттифоқи орои 150 давлати аъзои Созмон якдилона дастгирӣ ёфт, баргузор мегардад.
Дар конфронси сатҳи баланд иштироки беш аз 1 ҳазор ҳайатҳо, аз ҷумла коршиносони байналмилалӣ, сиёсатмадорон, олимон ва намояндагони созмонҳои ҷамъиятӣ дар назар аст. Муттаҳид намудани талошҳои ҷомеаи ҷаҳонӣ барои таҳияи стратегияҳои муассири ҳифзи пиряхҳо ва идоракунии устувори захираҳои об аз ҳадафҳои асосии конфронси сатҳи баланд мебошад.
АКС: АМИТ «Ховар»
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
