Намояндаи Тоҷикистон дар Форуми байналмилалӣ оид ба мероси маънавӣ ва шаклҳои баёни фарҳанги ҷаҳони Ислом иштирок намуд
ДУШАНБЕ, 28.05.2025. /АМИТ «Ховар»/. Дар шаҳри Самарқанди Ҷумҳурии Узбекистон таҳти унвони «Мероси маънавӣ ва шаклҳои баёни фарҳанги ҷаҳони Ислом: хаттотӣ, мусиқӣ, шеър ва ҳамбастагӣ» форуми байналмилалӣ доир гардид. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
Дар доираи форуми байналмилалӣ шаҳри Самарқанд пойтахти фарҳангии ҷаҳони ислом дар соли 2025 эълон гардид.
Дар форум вазирони фарҳанги давлатҳои аъзои ICESCO* ва намояндагони созмонҳои байналмилалӣ иштирок намуда, доир ба масъалаҳои мероси ғании фарҳангӣ, сиёсати ҳамоҳангии байни миллатҳо ва вижагиҳои фарҳангӣ мубодилаи афкор намуданд.
Муовини Вазири фарҳанги Ҷумҳурии Тоҷикистон Давлат Сафарзода иброз намуд, ки Барномаи «Пойтахти фарҳанги исломӣ» ба ҳифзи ҳувияти миллӣ ва вижагиҳои фарҳангӣ, эҳтиром ба гуногунии фарҳангӣ ва ҳамзамон тарғиби тамаддуни исломӣ нигаронида шудааст.
«Муколамаи фарҳангҳо на танҳо воситаи ҳифзи ҳувият, балки омили тавонои ҳамбастагии иҷтимоӣ низ мебошад. Сиёсати фарҳангии Ҳукумати Ҷумҳурии Тоҷикистон ба принсипҳои мақсаднок асос ёфта, ба таҳкими ҷомеаи шаҳрвандӣ нигаронида шудааст. Дар ин замина иштироки Тоҷикистон дар ҳамаи ибтикороти ISESCO ва Созмони ҳамкории исломӣ мавқеи Тоҷикистонро дар ин созмонҳо тақвият мебахшад»,- иброз намуд муовини Вазири фарҳанги Ҷумҳурии Тоҷикистон.
Ёдовар мешавем, ки соли 2010 шаҳри Душанбе ва соли 2024 шаҳри Кӯлоб пойтахти фарҳанги исломӣ пешниҳод гардида буданд.
________
*ICESCO- Созмони байниҳукуматӣ оид ба маориф, илм ва фарҳанги исломӣ аст, ки 54 давлати ҷаҳонро дар бар мегирад. Он соли 1982 таъсис ёфта, ҳадафаш таҳкими равобити давлатҳои аъзои он мебошад. Қароргоҳи ин созмон дар пойтахти Марокаш ҷойгир аст. 19 ёдгории таърихию фарҳангии Тоҷикистон ба феҳристи мероси фарҳанги моддии ICESCO ворид гардидаанд.
АКС: Вазорати фарҳанги Ҷумҳурии Тоҷикистон
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
