НАМУНАИ ИБРАТ. 40 сокини ноҳияи Данғара маблағи ҳаҷро дар корҳои ободонӣ сарф намуданд
ДУШАНБЕ, 19.05.2025. /АМИТ «Ховар»/. Имсол 80 сокини ноҳияи Данғара барои адои маросими ҳаҷ номнавис шудаанд. Аз ин шумора 40 нафар аз рафтан ба ҳаҷ даст кашида, маблағҳои бо ин мақсад пасандозкардаашонро барои корҳои хайр ва ободонии ноҳия сарф намуданд. Ин иқдом қобили таҳсин ва дастгирӣ мебошад. Дар ин хусус Президенти Ҷумҳурии Тоҷикистон муҳтарам Эмомалӣ Раҳмон 17 май зимни суханронӣ дар семинар–машварати ҷумҳуриявӣ бо роҳбарони вилоятҳо ва шаҳру ноҳияҳои мамлакат дар ноҳияи Данғара ибрози назар намуданд.
Ба таъкиди Сарвари давлат, танҳо дар ҷамоатҳои деҳоти Пушинг ва Корез бо саҳми аҳолӣ ва соҳибкорону шахсони саховатпеша 5 мактаб барои 4800 хонанда, кӯдакистон, муассисаҳои тандурустӣ ва 7 корхонаи истеҳсолӣ сохта шудаанд.
Дар робита ба ин Пешвои миллат ба роҳбарияти мақомоти иҷроияи ҳокимияти давлатии вилоятҳо ва шаҳру ноҳияҳои мамлакат ва вазорату идораҳое, ки масъули иҷрои корҳои ободонию созандагӣ ба муносибати 35-солагии Истиқлоли давлатӣ дар шаҳру ноҳияҳои ҷумҳурӣ мебошанд, супориш доданд, ки таҷрибаи ҷамоатҳои деҳоти Пушинг ва Корезро омӯзанд ва барои сари вақт ва босифат иҷро намудани нақшаҳои пешбинигардида истифода намоянд.
«Ободиҳое, ки дар ноҳияи Данғара ва деҳаҳои он дидед, таҷрибаи хуби ба созандагию ободонӣ ҷалб намудани соҳибкорон ва аҳолӣ мебошад»,-афзуданд Сарвари давлат.
Президенти Ҷумҳурии Тоҷикистон зимни суханронӣ иброз намуданд, ки «дар робита ба амалисозии корҳои неку созандаи мардуми шарифи мамлакат, аз ҷумла соҳибкорону сокинони ноҳияи Данғара ва саҳмгузорӣ дар ободонию пешрафти мамлакат бори дигар ба ҳамаи соҳибкорон, шахсони саховатпеша ва кулли сокинони Тоҷикистон барои дастгирии ташаббусҳои Ҳукумати Тоҷикистон сипосу миннатдории самимӣ баён менамоям».
АКС: АМИТ «Ховар»
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
