35-СОЛАГИ ИСТИҚЛОЛИ ДАВЛАТӢ. Дар Ховалинг таъмиру навсозии беш аз 200 иншоот ба нақша гирифта шудааст
ДУШАНБЕ, 29.06.2025. /АМИТ «Ховар»/. Ба муносибати 35-солагии Истиқлоли давлатӣ дар ноҳияи Ховалинг таъмиру навсозии беш аз 200 иншооти таъиноти гуногун ба нақша гирифта шудааст. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ховалинг иттилоъ доданд.
То имрӯз бештари иншооти ҷашнӣ сохта, ба истифода дода шуданд. Қомат афрохтани биноҳои навбунёд на танҳо симои ноҳияро зебу зиннат бахшиданд, балки сатҳи хизматрасонӣ ба мардумро беҳтар намуданд. Зеро имрӯз меҳмонхона, шифохона, бунгоҳҳои тиббӣ, китобхона, мактаб ва дигар ташкилоту идораҳои ноҳия соҳиби бинои муосири бо таҷҳизоти зарурӣ муҷаҳҳаз гардиданд.
Инчунин дар доираи татбиқи сиёсати давлатӣ ҷиҳати беҳтар намудани шароити таълиму тарбия ва бо инфрасохтори замонавӣ таъмин намудани муассисаҳои таълимӣ, дар ноҳияи Ховалинг навсозии Муассисаи таҳсилоти миёнаи умумии №5 ҷараён дорад.
Тибқи иттилои масъулин, баъди анҷоми пурраи навсозӣ, синфхонаҳо бо тамоми лавозимоти омӯзишии муосир, аз ҷумла, тахтаҳои интерактивӣ, компютерҳо ва дигар технологияи таълимӣ муҷаҳҳаз хоҳанд шуд.
Ин иқдом яке аз намунаҳои таваҷҷуҳи Ҳукумати Ҷумҳурии Тоҷикистон ба соҳаи маориф ва фароҳамсозии шароити муносиби таълимӣ дар минтақаҳои дурдаст мебошад. Бо таҷдиди мактаб ва муҳайё намудани муҳити созгору замонавӣ, имкониятҳои таҳсил барои хонандагони мактаб васеъ гардида, сифати таълим низ боло хоҳад рафт.
Ҳамчунин, бо мақсади ҷалби бештари хонандагон ба омӯзиши босифат ва мутобиқ ба талаботи замон, дар назар аст, ки баъд аз анҷоми корҳои таҷдид, фаъолияти гурӯҳҳои фаннӣ ва маҳфилҳои иловагӣ низ густариш дода шавад.
АКС: Мақомоти иҷроияи ҳокимияти давлатии ноҳияи Ховалинг
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Дар Истаравшан 28 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода сохтмони иншооти ҷашнӣ идома дорад
