«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
ДУШАНБЕ, 19.06.2025. /АМИТ «Ховар»/. Дар Вазорати маориф ва илм ҷаласа доир шуд, ки дар он лоиҳаи нави «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид. Дар ин хусус ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон хабар доданд.
Дар ҷаласа иброз гардид, ки таҳсилоти томактабӣ ҳамчун зинаи муҳимми таҳсилот ва заминаи ташаккули шахсияти кӯдак мақоми шоиста дошта, бо дастгирии пайвастаи Президенти Ҷумҳурии Тоҷикистон муҳтарам Эмомалӣ Раҳмон ҳамчун яке аз афзалиятҳои рушди иҷтимоӣ дар ҳуҷҷатҳои стратегии миллӣ, аз ҷумла, “Стратегияи миллии рушди маориф барои давраи то соли 2030” мавқеи калидӣ дорад.
Натиҷаҳои татбиқи “Барномаи давлатии рушди таҳсилоти томактабӣ барои солҳои 2020–2025” мусбат арзёбӣ шуда, таъкид гардид, ки дар ин давра сатҳи фарогирии кӯдакон ба таҳсилоти томактабӣ афзоиш ёфта, шумораи муассисаҳои томактабӣ, аз ҷумла, шаклҳои хусусиву алтернативӣ зиёд гардиданд.
Лоиҳаи нави “Барномаи давлатии рушди таҳсилоти томактабӣ барои солҳои 2026–2030” бо назардошти таҷрибаи амалии солҳои қаблӣ ва зарурати иҷрои ҳадафҳои Стратегияи миллии рушди маориф таҳия гардида, дар он тадбирҳои марбут ба густариши фарогирии кӯдакон, бахусус дар минтақаҳои дурдаст ва байн табақаҳои ниёзманд, таҳкими ҳамкории бахши давлатӣ бо бахши хусусӣ, рушди инфрасохтор ва таъсиси шаклҳои гуногунсохтори муассисаҳои томактабӣ, татбиқи низоми миллӣ ва муассири баҳодиҳии сифати таҳсилоти томактабӣ, густариши барномаҳои кӯтоҳмуддати омодагӣ ба мактаб барои кӯдакони синни 5–6-сола, баланд бардоштани сатҳу сифати тайёрии кадрҳои соҳавӣ ва фароҳамсозии шароити баробар барои таҳсилоти кӯдакони дорои эҳтиёҷоти махсус пешбинӣ шудааст.
Татбиқи пурраи барнома бо ҷалби фаъоли сохторҳои давлатӣ, бахши хусусӣ, ҷомеа ва ниҳодҳои байналмилалӣ имконпазир буда, нақши ҳар як шарики рушд дар ин раванд муҳим арзёбӣ мегардад.
АКС: Маркази матбуоти Вазорати маориф ва илми Ҷумҳурии Тоҷикистон
«ИЛМ — ФУРӮҒИ МАЪРИФАТ». 13 довталаб аз Донишгоҳи техникии Тоҷикистон ба даври ҷумҳуриявии озмун роҳхат гирифт
Ба гиромидошти Рӯзи Мавлоно дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ-фарҳангӣ доир шуд
Довталабон барои иштирок дар тақсимоти такрорӣ дар даври сеюм аз нав ба қайд гирифта мешаванд
Дар Донишгоҳи технологии Тоҷикистон бахшида ба Рӯзи Мавлоно конференсияи илмӣ-амалӣ доир шуд
Маркази миллии тестӣ натиҷаҳои озмуни тақсимоти асосии довталабонро дар даври сеюми имтиҳонҳои марказонидаи дохилшавӣ эълон намуд
Дар Донишгоҳи байналмилалии сайёҳӣ ва соҳибкории Тоҷикистон ба муносибати Рӯзи кормандони хизмати дипломатӣ ҳамоиши илмӣ доир шуд
Барои қонеъ намудани эҳтиёҷоти шуъбаҳои маориф ба китобҳои дарсӣ кадом тадбирҳо андешида шудааст?
Дар Хуҷанд доир ба нақши иқтисоди рақамӣ дар саноатикунонӣ конфронси байналмилалӣ баргузор гардид
Вазорати маориф ва илм дар самти омодасозии тренерони сатҳи миллӣ дар системаи EMIS омӯзиш доир намуд
МУШКИЛОТИ КИТОБҲОИ ДАРСӢ. Оё китобҳои дарсӣ ба синни хонандагон мувофиқат менамоянд?
Байни Донишгоҳи технологии Тоҷикистон ва ширкати «DI Lab Inc» шартномаи ҳамкорӣ ба имзо расид
Форуми байналмилалӣ оид ба ҳамкории Тоҷикистон ва СММ ба хотири рушди устувор баргузор шуд
