Дар 21 гектар замини хоҷагии деҳқонии «Абдуҷаббор»-и ноҳияи Фархор ниҳолҳои пистаи навъи тоҷикӣ парвариш меёбанд
ДУШАНБЕ, 21.06.2025. /АМИТ «Ховар»/. Дар Ҷамоати деҳоти Зафари ноҳияи Фархор хоҷагии деҳқонии «Абдуҷаббор» фаъолият мекунад, ки дорои 35 гектар замин мебошад. Дар 25 гектар замини ин хоҷагӣ боғи писта бунёд гардидааст. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
Боғи писта бо риояи талаботи қоидаҳои агротехникӣ бунёд шуда, айни замон ниҳолҳо нашъунамои хуб доранд. Дар боғи писта ниҳолҳои навъи тоҷикӣ дар 21 гектар, эронӣ 2 гектар, туркӣ 2 гектар шинонида шуда, 20 нафар сокинон ба таври мавсимӣ ва 5 нафар доимӣ ба кор фаро гирифта шудаанд.
Тибқи хулосаи коршиносон, дар баробари мутобиқати иқлим пистаи дар минтақаҳои кӯҳии вилояти Хатлон парваришёфта нисбат ба маҳсулоти воридотии он сифати беҳтар дорад. Агар таркиби пистаи воридотӣ 47 дарсад равған дошта бошад, пас дараҷаи равғаннокии пистаҳои маҳаллӣ ба 67 дарсад мерасад.
Пистаи маҳаллӣ равғаннокии зиёд дошта, болаззаттар аст. Дар хоҷагиҳои ҷангал барои васеъ намудани майдони пистазор аз тухмиҳои босифату донакалони ба маҳал мутобиқ истифода бурда мешавад.
Хусусияти хоси биологию экологии писта, ба шароити гармиҳои хушк ва сардиҳои баланд тобовар будан имкон медиҳад, ки майдонҳои зиёд барои бунёду парвариши боғҳои саноатии писта аз худ карда шуда, ба тараққиёти соҳаи пистапарварӣ дар Тоҷикистон ва баланд бардоштани некуаҳволии аҳолии ин минтақаҳои пистапарварӣ мусоидат намоянд.
АКС: Хадамоти матбуоти Раиси вилояти Хатлон
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
