Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
ДУШАНБЕ, 07.06.2025. /АМИТ «Ховар»/. Дар шаҳри Душанбе Форуми соҳибкории Тоҷикистону Чин баргузор гардид. Дар ҳошияи Форум мулоқоти муовини якуми вазири рушди иқтисод ва савдо Ашурбой Солеҳзода, роҳбарияту масъулини вазоратҳои кишоварзӣ, корҳои хориҷӣ, Кумитаи давлатии сармоягузорӣ ва идораи амволи давлатӣ бо губернатори музофоти Шенсии Ҷумҳурии Мардумии Чин Чжао Ган баргузор гардид. Дар ин хусус ба АМИТ «Ховар» аз Вазорати рушди иқтисод ва савдои Тоҷикистон хабар доданд.
Иброз гардид, ки Ҷумҳурии Мардумии Чин яке аз шарикони асосии тиҷоратию иқтисодии Ҷумҳурии Тоҷикистон буда, соли 2024 дар сохтори ҷуғрофии савдои хориҷии Тоҷикистон бо 1,95 миллиард доллар дар ҷойи 2-юм қарор гирифт.
Баргузории Форум барои мубодилаи афкору таҷриба, баррасии имкониятҳои мавҷуда ва тавсеаи ҳамкории судманди ду давлат муҳим арзёбӣ гардид.
Таъкид карда шуд, ки робитаҳои самараноки доираҳои тиҷоратию сармоягузории Тоҷикистону Чин бо дарназардошти зарфияту имконияти мавҷуда метавонад барои пешбурди лоиҳаҳои иқтисодӣ ва сармоягузории байни ду кишвар заминаи устувор гузорад.
Инчунин тамоюли мусбати рушди ҳамкорӣ дар соҳаҳои иқтисоду тиҷорат, сармоягузорӣ, иқтисоди рақамӣ ва «сабз», саноат, нақлиёт, энергетика, кишоварзӣ ва ҷалби технологияҳои муосир мавриди баррасӣ қарор гирифт.
Ҷонибҳо ҳавасмандии худро барои таҳкими ҳамкории иқтисодӣ ва татбиқи лоиҳаҳои муштарак изҳор намуда, омодагии худро барои тавсеаи робитаҳо дар бахшҳои мухталиф таъкид карданд.
АКС: Вазорати рушди иқтисод ва савдои Тоҷикистон
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
