Дар истироҳатгоҳи «Зинг»-и ноҳияи Ванҷ таътили тобистонаи хонандагон хотирмон мегузарад
ДУШАНБЕ, 20.07.2025 /АМИТ «Ховар»/. 18 июл истироҳатгоҳи тобистонаи «Зинг», воқеъ дар ноҳияи Ванҷ бо фарогирии 63 нафар хонандагони муассисаҳои таълимии ҳудуди ноҳия ба фаъолият оғоз намуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ванҷ хабар доданд.
Истироҳатгоҳ дар доираи имконоти мавҷуда барои қабули наврасон омода гардида, истироҳаткунандагон дар руҳияи ватандӯстию ифтихори миллӣ бо чорабиниҳои варзишӣ ва фарҳангию фароғатӣ фаро гирифта мешаванд.
Зимни ифтитоҳи истироҳатгоҳ иброз карда шуд, ки тарбияи насли наврас дар руҳияи ватандӯстию худшиносии миллӣ ва эҳтирому арҷгузорӣ ба арзишҳои миллию фарҳангӣ аз муҳимтарин вазифаҳои сиёсати давлатии Ҷумҳурии Тоҷикистон мебошад. Ҳукумати мамлакат дар доираи ин ҳадаф бо ташкили истироҳатгоҳҳои тобистона барои кӯдакон муҳити солиму созанда ва шароити мусоиди таълиму тарбияро фароҳам меорад.
Ёдовар мешавем, ки соли 2025 дар ҷумҳурӣ қариб 5 ҳазор истироҳатгоҳ (наздимактабӣ, варзишӣ, санаторӣ, солимгардонӣ, меҳнатӣ) омода гардида, дар онҳо беш аз 250 ҳазор кӯдакон ва наврасон ба фароғат фаро гирифта мешаванд.
АКС: Мақомоти иҷроияи ҳокимияти давлатии ноҳияи Ванҷ
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
Корхонаи воҳиди давлатии «Обу корези Душанбе» дар ҳавзҳои таҳшин корҳои тозасозӣ анҷом дода истодааст
Дар Душанбе намоиш-фурӯши маҳсулоти ҳунармандӣ ташкил карда шуд
«ТОҶИКИСТОН ВАТАНИ НАВРӮЗ АСТ». Таҳти чунин унвон дар шаҳри Душанбе ҳамоиш баргузор гардид
Доир ба танзими давлатии соҳаи истеҳсолоти иҷро машварати омӯзишӣ баргузор шуд
Дар Тоҷикистон аз 17 то 19 март бориши борон пешгӯӣ мешавад
ҒИЗОИ СОЛИМ. Пудина ва шибит бо хосиятҳои шифобахши худ маъруфанд
Дар Душанбе масъалаҳои мубрами таҳсилоти миёнаи касбӣ дар шароити рушди инноватсия ва рақамикунонӣ баррасӣ гардид
НАВРӮЗ – ОМИЛИ ПОЙДОРИИ ВАҲДАТ. Дар ноҳияи Фирдавсӣ конференсияи ҷумҳуриявӣ доир шуд
Дар Ню-Йорк масъалаҳои тавсеаи имкониятҳои занон дар Тоҷикистон баррасӣ гардид
Оид ба дурнамои нави ҳамкории Тоҷикистону Узбекистон конференсияи байналмилалӣ доир шуд
Муассисаҳои давлатии нигоҳдории роҳҳо зарари офати табииро дар роҳҳои мошингард бартараф менамоянд
