Намояндаи Тоҷикистон дар ҳафтумин Иҷлосияи махсуси мавзуӣ оид ба об ва офатҳои табиӣ иштирок намуд
ДУШАНБЕ, 09.07.2025 /АМИТ «Ховар»/. 8 июл Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат дар ҳафтумин Иҷлосияи махсуси мавзӯӣ оид ба об ва офатҳои табиӣ, ки таҳти унвони «Об ва офатҳои табиӣ барои ҳамкорӣ ва шарикӣ» дар қароргоҳи Созмони Милали Муттаҳид баргузор гардид, иштирок намуд.
Тавре ба АМИТ «Ховар» аз Намояндагии доимии Ҷумҳурии Тоҷикистон дар Созмони Милали Муттаҳид хабар доданд, Ҷонибек Ҳикмат зимни иштирок дар панели сатҳи баланд таҳти унвони «Аз Конфронси оби СММ 2023 то Конфронси оби СММ 2026» ба зарурати фаврии ҳамкорӣ ва иродаи сиёсӣ дар самти рафъи хатарҳои афзояндаи вобаста ба об, бахусус дар минтақаҳои аз офатҳои табиӣ осебпазир ва дорои пиряхҳо таъкид кард.
Намояндаи доимии Ҷумҳурии Тоҷикистон дар Созмони Милали Муттаҳид бо инобати пешсафии Тоҷикистон дар ин соҳа тавассути Раванди оби Душанбе ва Конфронси байналмилалии ҳифзи пиряхҳо ба уҳдадориҳои мамлакати мо дар самти пешбурди рӯзномаи ҷаҳонии об дар пешорӯи Конфронси обии СММ дар соли 2026, ки аз ҷониби Ҷумҳурии Сенегал ва Аморати Муттаҳидаи Араб баргузор мешавад, ишора кард.
Намояндаи доимӣ ба аҳамияти шарикии қавитар, ҳамоҳангсозии беҳтари фаромарзӣ ва дастгирии бештар аз кишварҳое, ки бо мушкилоти иқлим ва об рӯбарӯ ҳастанд, таъкид намуд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Дар Теҳрон масъалаҳои консулӣ байни Тоҷикистон ва Эрон баррасӣ шуданд
Сарвазири Ҷумҳурии Тоҷикистон Қоҳир Расулзода бо Президенти Ҷумҳурии Қирғизистон Садир Жапаров мулоқот намуд
Ҳайати Тоҷикистон дар иҷлосияи 47-уми Кумитаи мероси ҷаҳонии ЮНЕСКО иштирок дорад
Фаррух Шарифзода бо муовини парлумонии Вазири корҳои хориҷии Ҷопон мулоқот намуд
Президенти Ҷумҳурии Қирғизистон Садир Жапаров дар пояи муҷассамаи Исмоили Сомонӣ гулчанбар гузошт
Президенти Ҷумҳурии Қирғизистон бо сафари давлатӣ ба Ҷумҳурии Тоҷикистон меояд
Cафири Тоҷикистон бо раиси Бонки марказии Баҳрайн мулоқот намуд
Дар шаҳри Москва машваратҳои байниидоравии Тоҷикистону Русия доир гардиданд
Дар Душанбе муносибатҳои дуҷонибаи Тоҷикистон ва Амрико баррасӣ гардиданд
Дурнамои рушди ҳамкории Тоҷикистон ва Баҳрайн дар бахшҳои гуногун баррасӣ шуд
Сафири Тоҷикистон ба Подшоҳи Нидерланд эътимоднома супорид
Сарвазири Тоҷикистон Қоҳир Расулзода бо директори минтақавии Бонки ҷаҳонӣ дар Осиёи Марказӣ Винни Вэй Ванг мулоқот намуд
