НИШАСТИ МАТБУОТӢ. Дар ноҳияи Данғара 6 муассисаи томактабӣ ба истифода дода мешавад
ДАНҒАРА, 30.07.2025. /АМИТ «Ховар»/. Раиси ноҳияи Данғара Сиҷоуддин Саломзода зимни нишасти матбуотӣ вобаста ба иҷрои супоришҳои Президенти Тоҷикистон, Пешвои миллат муҳтарам Эмомалӣ Раҳмон бобати бунёд намудани муассисаҳои томактабӣ дар деҳаҳое, ки аз сад хоҷагӣ зиёд зиндагӣ менамоянд, ибрози назар намуд. Сиҷоуддин Саломзода гуфт, ки дар ноҳияи Данғара 94 деҳа мавҷуд аст, ки дар 60 деҳаи он аз 100 хоҷагӣ зиёд зиндагӣ менамоянд. То соли 2024 дар ноҳияи Данғара ҳамагӣ 4 муассисаи томактабӣ фаъолият мекард. Соли 2024 бо иштироки Президенти Тоҷикистон муҳтарам Эмомалӣ Раҳмон дар се деҳа се муассисаи томактабӣ бо фарогирии аз 100 то 150 кӯдак дар ҳар муассиса мавриди истифода қарор дода шуд.
Имрӯзҳо дар ноҳияи Данғара сохтмони 15 муассисаи томактабии ду-сеошёнагӣ бо фарогирии 4 ҳазор кӯдак идома дорад. Аз инҳо то моҳи октябри соли равон 6 муассисаи томактабӣ бо ҷалби 1700 кӯдак ба истифода дода мешавад. Бо боварӣ гуфта метавонем, ки то ҷашни 35-солагии Истиқлоли давлатӣ 23 деҳа ва кӯчаю маҳал бо муассисаҳои томактабӣ таъмин мегарданд ва фарогирии кӯдакони ноҳия ба муассисаҳои томактабӣ 29-30 фоиз таъмин карда мешавад.
Дар нишасти матбуотӣ баён гардид, ки дар айни замон дар ноҳия 53 корхонаи саноатию истеҳсолӣ фаъолият дорад. Барои саноатикунонии ноҳия дар шаш моҳи соли равон се корхонаи саноатӣ ба истифода дода шуда, то охири сол 4 корхонаи истеҳсолии дигар омода мегардад.
Маҷмуи маҳсулоти саноатии ноҳияи Данғара дар шашмоҳаи якуми соли равон ба як миллиарду 277 миллиону 882,8 ҳазор сомонӣ расидааст, ки ба 101,8 фоиз баробар мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар 7 соли охир дар Тоҷикистон беш аз 2600 корхонаи саноатӣ ба фаъолият оғоз намудааст
СОЛИ 2026 – СОЛИ ТАЪРИХӢ БАРОИ ХАЛҚИ ТОҶИКИСТОН. Сарзамини куҳанбунёд, аммо тозаистиқлоли мо 35-сола мешавад
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
