НИШАСТИ МАТБУОТӢ. Донишгоҳи давлатии тиббии Хатлон ду бинои таълимӣ ва бинои хобгоҳи донишҷӯёнро ба истифода медиҳад
ДАНҒАРА, 31.07.2025 /АМИТ «Ховар»/. Тибқи маълумоти оморӣ, имсол дар Маркази миллии тестии назди Президенти Ҷумҳурии Тоҷикистон ихтисосҳои Донишгоҳи давлатии тиббии Хатлонро 15 ҳазор довталабон интихоб намуданд. Дар натиҷаи супоридани имтиҳонҳои дохилшавӣ 700 довталаб ба Донишгоҳи давлатии тиббии Хатлон дохил шуд. Ин нуктаро зимни нишасти матбуотӣ муовини ректори Донишгоҳи давлатии тиббии Хатлон Шодмон Аҳмадиён баён дошт.
Дар панҷ факултети Донишгоҳи давлатии тиббии Хатлон 2596 донишҷӯ таҳсил менамоянд. Аз ин шумора 597 донишҷӯ аз шаҳру ноҳияҳои дурдаст бо хобгоҳи замонавӣ таъмин мебошанд.
Шумораи озмоишгоҳҳои таълимӣ, ташхисӣ ва озмоишӣ аз 9 адад ба 24 адад расонида шуд, ки донишҷӯён дар ин озмоишгоҳҳо дониши тиббияшонро васеъ менамоянд. Моҳи сентябри соли равон баъди ба истифода додани ду бинои баландошёна ва хобгоҳи донишҷӯён 96 синфхона ва 8 озмоишгоҳи наву замонавӣ ба донишҷӯён туҳфа мегардад, то аз он самаранок истифода намоянд. Ҳамчунин дар донишгоҳ 540 номгӯй таҷҳизоти муосири техникӣ бо теъдоди 1571 адад дар раванди таълиму тарбия ва корҳои илмии донишҷӯёну омӯзгорон истифода бурда мешаванд.
Зимни нишасти матбуотӣ таъкид шуд, ки барои ба бозори меҳнат ҷавобгӯ тайёр намудани мутахассисон ва бо мақсади дар сатҳи зарурӣ гузаронидани таҷрибаомӯзии таълимӣ, истеҳсолӣ ва пешаздипломии донишҷӯён Донишгоҳи давлатии тиббии Хатлон бо Беморхонаи марказии ноҳияи Данғара, Боморхонаи ҷумҳуриявии клиникии ноҳияи Данғара, Беморхонаи вилоятии бемориҳои сироятӣ, Маркази санитарию эпидемиологии ноҳияи Данғара ва Маркази тиббии бисёрсоҳавии ноҳия шартномаи ҳамкорӣ дорад. Донишҷӯён дар ин муассисаҳо дониши тиббию табобатии муосирро меомӯзанд.
Субҳониддини МАҲМУД,
АМИТ «Ховар»
АКС: АМИТ «Ховар»
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
