Раванди тақвияти гузариш ба иқтисодиёти рақамӣ дар Душанбе баррасӣ гардид
ДУШАНБЕ, 25.07.2025 /АМИТ «Ховар»/. Масъалаҳои марбут ба тақвияти раванди гузариш ба иқтисодиёти рақамӣ ва тавсеаи дастрасӣ ба интернети баландсуръат дар тамоми ҳудуди мамлакат, аз ҷумла минтақаҳои дурдаст дар мулоқоти роҳбарияти Агентии инноватсия ва технологияҳои рақамии назди Президенти Ҷумҳурии Тоҷикистон бо намояндагони ширкати байналмилалии «Starlink», ки ба гурӯҳи «SpaceX» мансуб аст, баррасӣ гардид.
АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад, ки роҳбарияти Агентӣ ҳайати «Starlink»-ро бо ваколат, вазифаҳо ва самтҳои асосии фаъолият, аз ҷумла таҳияи сиёсати миллии рақамӣ, татбиқи навовариҳо, рушди инфрасохтори технологияҳои иттилоотию коммуникатсионӣ ва таъмини фарогирии рақамӣ шинос намуд.
Таваҷҷуҳи хос ба имконоти ҳамкории оянда дар доираи ташаббусҳои васеъ намудани фарогирии шабакаҳои моҳвораӣ ва таъмини дастрасӣ ба интернет дар минтақаҳое, ки алоқаи анъанавӣ номумкин ё маҳдуд аст, зоҳир гардид.
Дар доираи вохӯрӣ намояндагони «Starlink» инчунин бо фаъолияти Ҷамъияти саҳомии кушодаи «Марказҳои тасдиқкунанда, хизматрасониҳои давлатӣ ва таҳияи барномаҳои рақамӣ»-и назди Агентӣ шинос шуданд.
Дар ин раванд ба меҳмонон лоиҳаҳои муҳими ширкат, аз ҷумла таҳияи платформаҳои рақамӣ, замимаҳои мобилӣ ва ташаббусҳо дар соҳаи амнияти киберӣ муаррифӣ карда шуданд.
Ҷонибҳо барои тақвияти ҳамкорӣ дар самти рақамикунонӣ ба мувофиқа расиданд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
