Тоҷикистон ва Қирғизистон теъдоди парвозҳои мунтазам ва хатсайри автобусҳоро афзоиш медиҳанд
ДУШАНБЕ, 09.07.2025. /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров масоили ҳамкорӣ дар соҳаи нақлиёт ва коммуникатсияро ҳам дар заминаи дуҷониба ва ҳам дар чаҳорчӯби ҳамкории бисёрҷониба муфассал баррасӣ намуданд. Дар ин хусус 8 июл дар нишасти матбуотии Сарони ду кишвар иттилоъ дода шуд, хабар медиҳад АМИТ «Ховар».
Ба масъалаҳои татбиқи лоиҳаҳои муштараки инфрасохторӣ, соддагардонии расмиёти ҳамлу нақли бор, инчунин ҳалли масоили марбут ба рушди логистика ва рақамикунонӣ таваҷҷуҳ зоҳир карда шуд.
«Мо барои фароҳам овардани шароити мусоид ҷиҳати рафтуомади мардум, интиқоли бор ва хидматрасонӣ тақвият бахшидани кор ва таҷдиди гузаргоҳҳои сарҳадиро муҳим арзёбӣ намудем», — иброз доштанд Пешвои миллат муҳтарам Эмомалӣ Раҳмон.
Гузаргоҳи марзии Тоҷикистону Қирғизистон «Тоҷварон-Қарамиқ» байни ноҳияҳои Лахш ва Чон-Алай, ки аз ҷониби Сарони давлатҳо ба таври маҷозӣ боз шудааст, равобити дуҷонибаро таҳким бахшида, убури сарҳадро соддатар намуда, ба рушди ҳамкории наздимарзӣ мусоидат мекунад.
Ҷонибҳо саъю талоши тарафайнро ҷиҳати зиёд кардани шумораи парвозҳои мунтазам, инчунин хатсайрҳои автобусҳо, аз ҷумла байни минтақаҳои наздисарҳадӣ тасдиқ намуданд.
Марзия САИДЗОДА,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд
Дараи Алмосии шаҳри Ҳисор расман ҳамчун «Низоми мероси кишоварзии дорои аҳамияти ҷаҳонӣ» эътироф гардид
Тоҷикистон ва Қирғизистон ҳамкориро дар соҳаи ҳифзи муҳити зист тақвият медиҳанд
«Centrum Air» парвозҳои мустақимро дар масири Тошканд-Душанбе-Тошканд ва Самарқанд-Душанбе-Самарқанд оғоз менамояд
Тибқи Стратегияи рушди саноати нассоҷӣ дар Тоҷикистон беш аз 600 ҳазор ҷойи кор таъсис дода мешавад
Байни палатаҳои савдо ва саноати Тоҷикистону Қирғизистон Шурои корӣ таъсис дода мешавад
Тоҷикистон ва Қирғизистон дар соҳаи стандартизатсия ва метрология Созишнома ба имзо расониданд
Олимони соҳаи кишоварзии Тоҷикистон ва Қирғизистон ҳамкориро тақвият мебахшанд
Дар Нахустин Форуми байналмилалии нассоҷӣ байни ширкатҳои Тоҷикистон, Озарбойҷон ва Узбекистон созишномаҳои ҳамкорӣ ба имзо расиданд
Дар мавсими имсола IRS 100 километр роҳро таъмири ҷорӣ менамояд
Дар Душанбе Форуми иқтисодӣ ва сармоягузории Тоҷикистону Қирғизистон ҷараён дорад
Бонки Осиёии рушд барои дастгирии занони деҳот дар вилояти Хатлон лоиҳаҳо амалӣ менамояд
