Ҳайати Бонки миллии Тоҷикистон бо фаъолияти филиали Бонки федералии Олмон – Бундесбонк шинос гардид
ДУШАНБЕ, 12.08.2025 /АМИТ «Ховар»/. Ҳайати Бонки миллии Тоҷикистон таҳти роҳбарии раиси бонк Фирдавс Толибзода дар шаҳри Мюнхени Ҷумҳурии Федеративии Олмон бо фаъолияти филиали Бонки федералии Олмон — Бундесбонк шинос гардид, иттилоъ медиҳад АМИТ «Ховар» бо истинод ба Бонки миллии Тоҷикистон.
Зимни шиносоӣ Раиси Бонки миллии Тоҷикистон бо Президенти шуъбаи минтақавии Бонки федералии Олмон- Бундесбонк дар Бавария Райнхолд Фолбрахт ва директори шуъбаи минтақавии ин бонк дар шаҳри Мюнхен хонум Мишел Кройссер мулоқот намуд.
Сафари ҳайати Бонки миллии Тоҷикистон ба Олмон дар доираи таҳкими муносибатҳои дуҷониба ва табодули таҷриба байни бонкҳои марказӣ доир шуда, дар ҷараёни он ба фаъолияти маркази хазинавӣ таваҷҷуҳи хосса зоҳир карда шуд. Намояндагони Бундесбонк ба ҳайати Бонки миллии Тоҷикистон доир ба технологияҳои муосири равандҳои коркард, низомҳои амниятӣ ва интиқоли пули нақд маълумоти муфассал пешниҳод намуда, масъалаҳои марбут ба назорати сифати банкнотаҳо ва мубориза бо пулҳои қалбакӣ мавриди баррасӣ қарор дода шуданд.
Раиси Бонки миллии Тоҷикистон аз фароҳам овардани имкони шиносоӣ бо таҷрибаи пешрафта изҳори қаноатмандӣ намуда, гуфт ки «мо ҳамкориро бо ҳамкасбони олмонӣ қадр мекунем ва итминон дорем, ки таҷрибаи андӯхта ба такмили минбаъдаи фаъолияти мо, бахусус дар масъалаҳои танзиму назорати гардиши пул ва таъмини амнияти он мусоидат хоҳад кард».
Роҳбарияти филиали Бонки федералии Олмон дар шаҳри Мюнхен аҳамияти ҳамкории байналмилалиро барои нигоҳ доштани суботи низоми молиявӣ таъкид намуд.
Ҷонибҳо барои рушди минбаъдаи муносибатҳои шарикӣ ва идомаи табодули таҷриба дар самтҳои калидии фаъолияти бонкҳои марказӣ изҳори омодагӣ намуданд.
АКС: Бонки миллии Тоҷикистон
Дар таъмиру таҷдиди роҳи Душанбе-Чанок дар маҷмуъ тақрибан 347 ҳазор тонна асфалт истифода шудааст
Нақшаи амали татбиқи Ёддошти тафоҳум байни вазоратҳои молияи Тоҷикистон ва Қирғизистон оид ба ҳамкорӣ ба мувофиқа расид
ҚУРБИ АСЪОР: дар Тоҷикистон 1 доллари ИМА аз 9.3621 сомонӣ то 9.4500 сомонӣ муқаррар шудааст
Рушди хатсайрҳои байналмилалии мултимодалӣ байни Тоҷикистон ва Туркманистон баррасӣ карда шуд
Ҳайати Тоҷикистон дар марҳилаи аввали омӯзиши таҷрибаи Қирғизистон дар соҳаи идоракунии молияи давлатӣ иштирок намуд
Татбиқи Лоиҳаи беҳтаргардонии таҷҳизоти сканеркунии борҳо дар нуқтаи назорати гумрукӣ дар Спитамен баррасӣ гардид
Дар Бохтар оид ба кам кардани талафоти неруи барқ вохӯрӣ доир гардид
ҚУРБИ АСЪОР: дар Тоҷикистон 1 рубли русӣ аз 0.1173 сомонӣ то 0.1184 сомонӣ муқаррар шудааст
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
