Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
ДУШАНБЕ, 28.08.2025 /АМИТ «Ховар»/. 27 август президенти Академияи миллии илмҳои Тоҷикистон Қобилҷон Хушвахтзода бо декани факултети мубодилаи байналмилалии фарҳангии Донишгоҳи давлатии омӯзгории Шинҷони Ҷумҳурии Мардумии Чин Ден Син мулоқот намуд, ки зимни он густариши ҳамкорӣ баррасӣ карда шуд.
Қобилҷон Хушвахтзода вобаста ба ҳамкории самарабахши олимони тоҷик бо ҳамтоёни чинӣ маълумот дода, доир ба нақши муҳими Маркази омӯзиши забонии чинии Конфутсийи назди Донишгоҳи миллии Тоҷикистон дар таҳкими ҳамкории судманд байни ду ҷумҳурӣ, ки яке аз асосгузоронаш профессор Ден Син мебошад, сухан гуфт.
Ден Син вобаста ба кушодани маркази такмили ихтисоси омӯзгорони давлатҳои Осиёи Марказӣ дар назди Донишгоҳи омӯзгории Шинҷон ва самтҳои афзалиятноки ҳамкорӣ иттилоъ дода, афзуд, ки дар баробари омода намудани омӯзгорон, такмили ихтисоси олимону муҳаққиқон таҳсил дар зинаҳои магистратура ва докторантура пешбинӣ шудааст.
Ҳамзамон дар мулоқот оид ба татбиқи Ёддошти тафоҳум байни Академияи миллии илмҳои Тоҷикистон ва Идораи миллии матбуот ва интишороти Ҷумҳурии Мардумии Чин оид ба тарҷума ва нашри осори классикон, ки моҳи июли соли 2024 дар ҳошияи сафари давлатии Раиси Ҷумҳурии Мардумии Чин Си Ҷинпин ба Ҷумҳурии Тоҷикистон ба имзо расида буд, сухан рафт.
Ҳамсуҳбатон ба мувофиқа расиданд, ки 20 номгӯй китобҳои классикону олимон ва сиёсатмадорони Тоҷикистон ва Чин интихоб карда шавад. Ҳамзамон гурӯҳи корӣ иборат аз тарҷумонон ва мушовирон таъсис дода шуда, рӯзҳои наздик ҷаласаи кори онлайнӣ баргузор карда шавад.
АКС: Академияи миллии илмҳои Тоҷикистон
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
