Барои беш аз 700 кӯдаки ҷамоатҳои деҳоти Навбаҳор, Оббурдон ва Мастчоҳ муассисаҳои томактабӣ сохта мешаванд
ДУШАНБЕ, 12.08.2025 /АМИТ «Ховар»/. Дар ҷамоатҳои деҳоти Навбаҳор, Оббурдон ва Мастчоҳ барои беш аз 700 кӯдак сохтмони се муассисаи томактабӣ нав бо дастгирии соҳибкорон ва саҳми фаъоли аҳолии маҳаллӣ идома дорад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ.
Муассисаҳои томактабӣ бо риояи меъёрҳои муосири сохтмонӣ, фароҳам овардани шароити зарурии таълиму тарбия ва истироҳату бозии кӯдакон бунёд мешаванд.
Мувофиқи нақша, ин муассисаҳо то ҷашни 35-солагии Истиқлоли давлатии Ҷумҳурии Тоҷикистон пурра ба анҷом расида, бо шароити зарурии таълимиву тарбиявӣ таъмин карда мешаванд.
Зимни шиносоии роҳбари гурӯҳи кории Ҳукумати Ҷумҳурии Тоҷикистон дар ноҳияи Мастчоҳ бо раванди сохтмони муассисаҳои томактабӣ иқдоми ватандӯстонаи соҳибкорон ва сокинони деҳот шоистаи таҳсин арзёбӣ гардид.
Таъкид шуд, ки бунёди чунин муассисаҳо бо саҳми аҳолӣ ва соҳибкорони маҳал дар баробари сармоягузорӣ ба ояндаи насли наврас заминаи боэътимоди рушди устувори ҷомеа, таҳкими пояҳои маърифатӣ ва тарбияи фарзандон дар руҳияи худшиносию ватандӯстӣ ба ҳисоб меравад.
Ҳоло дар ноҳияи Мастчоҳ 11 муассисаи таълимии томактабӣ ва як кӯдакистони хусусӣ фаъолият доранд, ки дар маҷмуъ 1401 кӯдак дар онҳо ба тарбия фаро гирифта шудаанд.
АКС: Мақомоти иҷроияи ҳокимияти давлатии ноҳияи Мастчоҳ
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
