Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
ДУШАНБЕ, 28.08.2025. /АМИТ «Ховар»/. 27 август дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои намояндагони воситаҳои ахбори омма таҳти унвони «Самти мундариҷаи маводи иттилоотӣ/паёмҳои воситаҳои ахбори омма доир ба иттилоот дар бораи хатарҳо ва ҷалби ҷомеа ба раванди татбиқи иммунизатсия бар зидди вируси папилломаи одам» машғулияти омӯзишӣ оғоз гардид, ки то 29 август идома меёбад.
Тавре ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, машғулияти омӯзишӣ дар доираи омодагӣ ба вориднамоии иммунизатсия бар зидди вируси папилломаи одам, ки чораи муҳим дар самти пешгирии саратони гарданаки бачадон маҳсуб мешавад, гузаронида мешавад.
Давраи омӯзишӣ бо мақсади амалисозии қарори Ҳукумати Ҷумҳурии Тоҷикистон «Дар бораи гузаронидани чорабинии иммунизатсионии оммавӣ бар зидди вируси папилломаи одам дар Ҷумҳурии Тоҷикистон», ки 24 июли соли 2025 тасдиқ карда шудааст, ба хотири баланд бардоштани сатҳи иттилоотонии намояндагони воситаҳои ахбори омма гузаронида мешавад.
Муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Зулфия Абдусаматзода иброз намуд, ки иммунизатсия бар зидди вируси папилломаи одам воситаи асосии пешгирии бемориҳои пешазсаратонӣ мебошад. Зеро саратони гарданаки бачадон дар Ҷумҳурии Тоҷикистон яке аз бемориҳои асосии саратонӣ дар байни занон мебошад. Ин беморӣ на танҳо барои ҳаёти занон хатарнок аст, балки дар бисёр ҳолатҳо сабаби вайроншавии солимии репродуктивӣ мегардад.
Иммунизатсия бо истифода аз ваксинаи Гардасил, ки дар Иёлоти Муттаҳидаи Амрико истеҳсол мегардад, гузаронида мешавад. Ваксина тақрибан 20 сол мешавад, ки дар мамлакатҳои гуногуни ҷаҳон истифода мешавад. Он дар ин муддат самарабахшии худро дар самти пешгирии навъҳои саратоновари вируси папилломаи инсон исбот намуд. Таҷриба нишон медиҳад, ки ин вирус омили асосии пайдоиши саратони гарданаки бачадон аст. Ин бемории саратонӣ дар Ҷумҳурии Тоҷикистон дар байни бемориҳои саратонии занон дар ҷои дуюм меистад.
Ин ваксина дар доираи иммунизатсияи нақшавӣ ба духтарони 10-сола ва дар соли аввали вориднамоии иммунизатсия ба тақвими миллӣ ба духтарони 11-14-сола тавсия дода мешавад. Сабаби фарогирии ин синн он аст, ки дар ин давра иммунизатсия хеле самарабахш буда, иммунитетро қавӣ мегардонад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Бахшида ба Рӯзи кормандони соҳаи меҳнат ва ҳифзи иҷтимоии аҳолӣ ҳамоиш доир шуд
ТАРМАФАРОӢ. Имрӯз дар баъзе ноҳияҳои Тоҷикистон фаромадани тарма пешгӯӣ мешавад
Дар вилояти Хатлон оид ба таълим ва тарбияи ҳуқуқии шаҳрвандон ҷаласа доир шуд
ҲАДАФ-ҲИФЗИ ПАРАНДАГОН ВА ҲАЙВОНОТ. Дар Тоҷикистон корҳои биотехникӣ гузаронида мешаванд
Муассисаҳои таълимии таҳсилоти ибтидоӣ ва миёнаи касбӣ бо таҷҳизоти муосири омӯзишӣ таъмин карда мешаванд
«МО НАКУНЕМ, КӢ МЕКУНАД?». Дар Душанбе бо иштироки волонтёрон ҳашари барфтозакунӣ ташкил гардид
Аз шаби дирӯз то имрӯз дар масири Душанбе-Чанок 29 тарма фаромадааст
Лоиҳаи нави барномаи грантии Иттиҳоди Аврупо дар соҳаи таҳсилоти касбӣ-техникӣ баррасӣ шуд
ПЕШГИРИИ ОВОРАГАРДИИ НОБОЛИҒОН. Бо ин мақсад дар шаҳри Бохтар санҷиши шабона гузаронида шуд
ОГОҲИИ АГЕНТИИ ОБУҲАВОШИНОСӢ. Пагоҳ дар Тоҷикистон ҳавои номусоид пешгӯӣ мешавад
Агентии «Тоҷикстандарт»: «Ҳангоми харид ва истифодаи маҳсулоти консервашуда бо диққат бошед!»
ТАВСИЯИ СУДМАНД. Дар рӯзҳои зимистон чӣ гуна худро аз сармо эмин нигоҳ дорем?
