Дар маҳаллаи «Сабзазор»-и пойтахт беш аз 1 км роҳи дохили маҳалла мумфарш карда шуд

ДУШАНБЕ, 31.08.2025 /АМИТ «Ховар»/. Ба хотири таҷлили сазовори ҷашни 35-солагии Истиқлоли давлатии Ҷумҳурии Тоҷикистон дар маҳаллаи «Сабзазор»-и ноҳияи Исмоили Сомонии пойтахт бо ташаббуси вакили Маҷлиси вакилони халқи ноҳияи Исмоили Сомонӣ ва сокинони он беш аз 1 км роҳи дохилии маҳалла мумфарш карда шуд, иттилоъ медиҳад АМИТ «Ховар».
Чунин ташаббус дар раванди корҳои ободонию созандагӣ ва ободу зебо гардонидани маҳалли атроф анҷом дода шуд.
Имрӯзҳо бо мақсади таҷлили сазовори ҷашни 35 –солагии Истиқлоли давлатии Ҷумҳурии Тоҷикистон раванди корҳои ободонӣ ва созандагӣ дар саросари мамлакат вусъати тоза касб намудааст. Ин бозгӯи ҳисси баланди ватандӯстии сокинон дар самти ободонии маҳали зист мебошад.
АКС аз манбаъҳои боз