НИШАСТИ МАТБУОТӢ. Суръати рушди иқтисоди миллӣ дар Тоҷикистон 8,1 фоизро ташкил дод
ДУШАНБЕ, 06.08.2025 /АМИТ «Ховар»/. Дар шашмоҳаи якуми соли равон устувории нишондиҳандаҳои макроиқтисодӣ дар Ҷумҳурии Тоҷикистон таъмин гардида, ҳаҷми Маҷмуи маҳсулоти дохилӣ 70,8 миллиард сомонӣ ва суръати рушди воқеии он 8,1 фоизро ташкил дод. Дар ин хусус имрӯз зимни нишасти матбуотӣ Вазири рушди иқтисод ва савдои Ҷумҳурии Тоҷикистон Завқӣ Завқизода иттилоъ дод.
Вазир иброз дошт, ки ҳаҷми Маҷмуи маҳсулоти дохилии мамлакат дар моҳҳои январ-июни солҳои 2021-2025 нисбат ба ҳамин давраи солҳои 2016-2020 2,9 баробар афзоиш ёфтааст.
Завқӣ Завқизода иброз намуд, ки дар моҳҳои январ-июни панҷ соли охир новобаста аз таъсири ду буҳрони шадиди глобалӣ ва омилҳои берунӣ суръати рушди иқтисоди миллӣ ба ҳисоби миёна 8,1 фоизро ташкил дод. Ин нисбат ба ҳамин давраҳои 5 соли қаблӣ 1,9 банди фоизӣ баланд мебошад.
Гуфта шуд, ки суръати рушди иқтисоди миллӣ дар шашмоҳаи якуми соли равон асосан аз ҳисоби зиёд гардидани ҳаҷми истеҳсоли маҳсулоти саноатӣ 24 фоиз, маблағгузорӣ ба сармояи асосӣ 14,6 фоиз, хизматрасонии пулакӣ 12,8 фоиз, кишоварзӣ 9,7 фоиз, боркашонӣ 9,3 фоиз, гардиши савдо 9 фоиз ва мусофиркашонӣ 5,8 фоиз таъмин гардид.
Иттилоъ дода шуд, ки бо мақсади амалисозии бандҳои дахлдори Нақшаи чорабиниҳо оид ба пешгирии таъсири хавфҳои эҳтимолӣ ба иқтисоди миллӣ ва татбиқи лоиҳаҳои соҳаҳои афзалиятнок аз ташкилоти байналмилалии молиявӣ ва шарикони рушд дар ҳаҷми умумии 213 миллион доллар, бахусус бо корбарии Вазорати рушди иқтисод ва савдо 73 миллион доллар маблағҳои грантию қарзҳои имтиёзнок ҷалб гардиданд.
Шаҳлои САДРИДДИН,
АМИТ «Ховар»
АКС: АМИТ «Ховар»
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
Дурнамои ҳамкории Тоҷикистон ва БАТР дар соҳаи энергетика баррасӣ шуд
