ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд

ДУШАНБЕ, 20.08.2025 /АМИТ «Ховар»/. Бозиҳои нимфиналии Ҷоми Тоҷикистон-2025 оид ба футбол дар варзишгоҳҳои мамлакат дар сатҳи баланд баргузор шуданд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Дар бозии аввал, ки дар шаҳри Бохтар байни дастаҳои футболи «Вахш»-и шаҳри Бохтар вардид. Вақти асосии вохӯрӣ бо ҳисоби мусовӣ 1:1 анҷом ёфт. Ҳисобро дар дақиқаи 4-ум бозингари дастаи футболи «Эсхата»-и шаҳри Хуҷанд Санҷар Рисқибоев кушод. Пас аз 3 дақиқа Аҳтам Ҳамроқулов аз дастаи футболи «Вахш»-и шаҳри Бохтар голи ҷавобӣ зад ва ҳамин натиҷа то охир нигоҳ дошта шуд. Дар задани зарбаҳои ёздаҳметра футболбозони дастаи «Эсхата»-и шаҳри Хуҷанд маҳорати баланд нишон дода, бо ҳисоби 4 бар 3 ғолиб омаданд.

Дар бозии дигар, ки дар варзишгоҳи «Талко-арена»-и шаҳри Турсунзода баргузор шуд, дастаи футболи «Регар-ТадАЗ»-и шаҳри Турсунзода бар дастаи футболи «Равшан»-и шаҳри Кӯлоб бо ҳисоби 2:1 ғалаба кард. Шерзод Муҳаммадиев аз дастаи «Регар-ТадАЗ» дар дақиқаи 53 ва Шериддин Бобоев аз дастаи «Равшан» дар дақиқаи 63 аз пеналтӣ гол заданд ва вақти асосӣ бо ҳамин ҳисоб ба поён расид. Дар дақиқаи 106-уми вақти иловагӣ Самандар Қодиров голи дуюми дастаи футболи «Регар-ТадАЗ»-и шаҳри Турсунзодаро зада, ғалабаи дастаашро таъмин кард.

Ҳамин тариқ, дар финали Ҷоми Тоҷикистон-2025, ки моҳи сентябр дар варзишгоҳи «20-солагии Истиқлолияти Тоҷикистон»-и шаҳри Хуҷанд баргузор мегардад, ғолиби феълии Ҷоми миллӣ – дастаи футболи «Регар-ТадАЗ»-и шаҳри Турсунзода бо дастаи «Эсхата»-и шаҳри Хуҷанд бозӣ мекунад.

АКС: Федератсияи футболи Тоҷикистон