Варзишгарони шаҳри Ҳисор соли 2025 соҳиби беш аз 340 медали тилло гардиданд
ДУШАНБЕ, 11.08.2025 /АМИТ «Ховар»/. Бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Ҳисор аз 66 иншооти варзишӣ, аз ҷумла 26 толор, 31 майдончаи варзишӣ, 4 толори саққозанӣ, 4 ҳавзи шиноварӣ ва як Маркази хизматрасонӣ барои ҷавонон, ки ба нақша гирифта шудаанд, бештари онҳо ба истифода дода шудаанд. Дар ин хусус чанде пеш Раиси шаҳри Ҳисор Ҷаббор Носирзода зимни нишасти матбуотӣ ба хабарнигорон иттилоъ дод.
Бо тавсияи Федератсияи футболи Тоҷикистон варзишгоҳи «Марказӣ»-и шаҳр ба маблағи 400 ҳазор сомонӣ ва варзишгоҳи «Ҷавонӣ»-и шаҳри Ҳисор ба маблағи 250 ҳазор сомонӣ таъмир карда шуда, сабзазори он аз нав коркард ва инфрасохтори дохили варзишгоҳ ба талабот ҷавобгӯ гардонида шуд. Инчунин ба маблағи 180 ҳазор сомонӣ намолавҳаи электронӣ насб гардида, барои навсозии майдони сабазазор, ҷойи захиравии бозингарон, насби шиору овезаҳо дар маҷмуъ 201,5 ҳазор сомонӣ масраф гардид. Дар айни замон корҳо дар самти насби нурафканҳои пуриқтидор идома доранд.
Ҷаббор Носирзода гуфт, ки бо мақсади тарғибу ташвиқи тарзи ҳаёти солим, рушди варзиш ва ҳарчӣ бештар ҷалб намудани наврасону ҷавонон ба тарбияи ҷисмонию варзиш бахшида ба санаҳои таърихӣ дар шаҳри Ҳисор бо иштироки зиёда аз 35 ҳазор нафар наврасону ҷавонон қариб 50 мусобиқаи оммавӣ-варзишӣ ва солимгардонӣ гузаронида шуд. Дар маҷмуъ, вобаста ба таҳкими тарзи ҳаёти солим, оммавӣ гардонидани варзиш ва ба ин васила дурусту мақсаднок истифода бурдани иншооти варзишӣ дар шаҳри Ҳисор бо иштироки 40 ҳазору 870 нафар сокинон, махсусан наврасону ҷавонон 382 чорабинии гуногуни варзишӣ гузаронида шуд.
Бо заҳмату талошҳои пайвастаи варзишгарону мураббияҳои онҳо варзишгарони шаҳри Ҳисор дар мусобиқаҳои гуногуни ҷумҳуриявию минтақавӣ ва байналмилалӣ иштирок намуда, ба натиҷаҳои назаррас муваффақ гардиданд.
Агар варзишгарони шаҳри Ҳисор соли 2024 дар риштаҳои гуногуни варзиш 1490 медал, аз ҷумла 691 медали тилло, 431 медали нуқра ва 368 медали биринҷӣ гирифта бошанд, дар ҳафт моҳи соли 2025 дар маҷмуъ 730 медал: 346 медали тилло, 214 медали нуқра ва 170 медали биринҷӣ ба даст оварданд. Онҳо шарафи варзишии мамлакатро ҳимоя намуда, Парчами давлатии Ҷумҳурии Тоҷикистонро баланд бардоштанд.
Марзия САИДЗОДА,
АМИТ «Ховар»
АКС аз манбаъҳои боз
Дар шаҳри Ваҳдат шуъбаи Бозрасии давлатии автомобилӣ ба истифода дода шуд
Дастаи мунтахаби наврасони то 16-солаи Тоҷикистон оид ба футбол бо дастаи Озарбойҷон нахустин бозӣ доир менамоянд
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
Пешвои миллат Эмомалӣ Раҳмон дар шаҳри Ваҳдат бо нашъунамои дарахтони хоҷагии ниҳолпарварӣ, намоиши маҳсулоти кишоварзӣ ва рафти кишти такрорӣ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат бинои шуъбаи Кумитаи давлатии амнияти миллиро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №152-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат бинои нави Беморхонаи кӯдаконаи зидди силро ба истифода доданд
Сафири Тоҷикистон бо ҳайати Ассотсиатсияи варзишии ҳамбастагии исломӣ мулоқот намуд
Дастаи мунтахаби Тоҷикистон оид ба футзал ба қисми ниҳоии Ҷоми Осиё-2026 роҳхат гирифт
