Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
ДУШАНБЕ, 28.08.2025 /АМИТ «Ховар»/. Дар остонаи баргузории ҷаласаи Созмони ҳамкории Шанхай дар Чин 27 август дар Осорхонаи миллии Чин намоиши байналмилалии «Мероси фарҳангии осорхонаҳои миллии давлатҳои аъзои Созмони ҳамкории Шанхай» оғоз ёфт, ки дар он ёдгориҳои осори миллии тоҷикон муаррифӣ карда шудаанд.
АМИТ «Ховар» бо истинод ба Осорхонаи миллии Тоҷикистон иттилоъ медиҳад, ки 24 осори пешниҳоднамудаи Осорхонаи миллии Тоҷикистон барои намоиши «Мероси фарҳангии осорхонаҳои миллии давлатҳои аъзои Созмони ҳамкории Шанхай» беназир буда, фарогири асрҳои V–IV то милод то асри XX мебошанд.
Қадимтарин экспонати қисми гӯшаи Тоҷикистон ҷузъи тахт дар шакли сари гӯсфанди кӯҳӣ мебошад, ки дар ёдгории Исфарасойи шаҳри Конибодом ёфт шуда, ба асри V то милод тааллуқ дорад. Миҷмар (курилница) бо тасвири Буддо, ки ба давраи давлатдории Кушониён (асрҳои I–IV милодӣ) марбут аст, фарҳанги қадим ва таҳаммулпазирии халқро таҷассум менамояд.
Ёдгории Панҷакенти қадим (асрҳои V–VII милодӣ), ки дар ҷаҳон ҳамчун «Помпеи Шарқ» маъруф мебошад, ба мисоли мӯҳр ва санге бо катибаи суғдӣ дохил мешаванд. Кӯзаву зарфҳои сафолӣ ва мисӣ бо катибаҳо аз авҷи аълои ҳунарҳои мардумӣ дар «асри тиллоӣ» — давраи Сомониён (асрҳои IX–X милодӣ) дарак медиҳанд. Ҳамчунин дар намоиш намунаҳои ашёи мисӣ, аз қабили кӯза ва дастшӯйҳо бо тасвирҳои оҳу ба маърази тамошо гузошта шудаанд. Қаламдонҳо низ дорои пандҳои ахлоқӣ мебошанд. Намунаҳои асбоби мусиқӣ, ки дар ин намоиш пешкаш шудаанд, бозгӯи маҳорати баланди санъати мусиқии тоҷикон мебошанд.
Намоиши байналмилалии «Мероси фарҳангии осорхонаҳои миллии давлатҳои аъзои Созмони ҳамкории Шанхай» то 16 ноябри соли 2025 идома меёбад.
АКС: Осорхонаи миллии Тоҷикистон
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад
Эмомалӣ Раҳмон: Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Эмомалӣ Раҳмон: Наврӯз моро ба некиву накукорӣ даъват мекунад
ГУЛҲОИ ВАТАН ДАР ЧАКАНИ МАН. Ин мероси пурарзиши ниёгон фарҳанг ва таърихи куҳани тоҷиконро инъикос менамояд
Эмомалӣ Раҳмон: Наврӯз ба ягон дину мазҳаб пойбанд нест
Эмомалӣ Раҳмон: Наврӯз яке аз куҳантарин ва пурмазмунтарин ҷашнҳои башарият мебошад
Президенти Тоҷикистон: «Ватани азизи худро сидқан дӯст дорем, ба таърих, забон, фарҳанг ва дигар арзишҳои миллӣ арҷ гузорем»
ИМРӮЗ — РӮЗИ УМУМИҶАҲОНИИ НАЗМ. Дар Тоҷикистон дар ин рӯз базмҳои наврӯзии шеъру суруд баргузор мешаванд
Сарвари давлат: «Ҷанбаи умдаи ҷашни Наврӯз дасти кумак дароз кардан ба ниёзмандон ва хурсанд кардани дили ятимон аст»
