Ҷаласаи навбатии Кумитаи сардорони ситоди Қувваҳои Мусаллаҳи кишварҳои ИДМ баргузор гардид

ДУШАНБЕ, 24.09.2025. /АМИТ «Ховар»/. Имрӯз дар шаҳри Мински Ҷумҳурии Беларус ҷаласаи навбатии Кумитаи сардорони ситоди Қувваҳои Мусаллаҳи кишварҳои аъзои Иттиҳоди Давлатҳои Мустақил баргузор гардид. Дар ин хусус ба АМИТ «Ховар» аз маркази матбуот ва иттилооти Вазорати мудофиаи Ҷумҳурии Тоҷикистон хабар доданд.

Дар ҷаласа сардорони Ситоди генералии Қувваҳои Мусаллаҳи  ҷумҳуриҳои Озарбойҷон, Беларус, Қазоқистон, Қирғизистон, Тоҷикистон, Узбекистон, муовини сардори Ситоди генералии Қувваҳои Мусаллаҳи Федератсияи Русия, инчунин Котиби Шурои вазирони мудофиаи кишварҳои аъзои Иттиҳоди Давлатҳои Мустақил ва намояндаи Кумитаи иҷроияи Иттиҳоди Давлатҳои Мустақил иштирок намуданд.

Дар ҷаласа ҳайати Ҷумҳурии Тоҷикистон таҳти роҳбарии сардори Ситоди генералии Қувваҳои Мусаллаҳ — муовини якуми Вазири мудофиаи Ҷумҳурии Тоҷикистон Бобоҷон Саидзода иштирок намуд.

Зимни ҷаласа масъалаҳои ҳамкории ҳарбӣ байни қувваҳои мусаллаҳи кишварҳои аъзои Иттиҳоди Давлатҳои Мустақил муҳокима ва қарорҳои дахлдор қабул карда шуданд.

АКС: Маркази матбуот ва иттилооти Вазорати мудофиаи Ҷумҳурии Тоҷикистон