Дар ноҳияи Шаҳристон фермаи калони чорвопарварӣ ба истифода дода мешавад
ДУШАНБЕ, 14.09.2025. /АМИТ «Ховар»/. Дар деҳоти Бунҷикати ноҳияи Шаҳристон бо саҳми соҳибкори маҳаллӣ Анорқул Ҷӯраев фермаи калони чорвопарварӣ сохта, ба истифода дода мешавад. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Иншоот дар 6 гектар сохта шуда, дорои тамоми инфрасохтори зарурӣ барои парвариши 1000 сар гӯсфанди зоти ҳисорӣ, 500 сар гов ва аспҳо хоҳад шуд.
Иттилоъ дода шуд, ки чорвои зотӣ аз хориҷи мамлакат ворид карда шуда, барои баланд бардоштани ҳаҷми истеҳсоли шир ва гӯшти босифат заминаи устувор фароҳам оварда мешавад. Парвариши аспҳои зотӣ низ ба самти муҳими фаъолияти ферма табдил меёбад, ки ин ба рушди варзиш ва сайёҳии аспсаворӣ мусоидат менамояд.
Бо ташаббуси соҳибкор Анорқул Ҷӯраев дар деҳаи Ободӣ сохтмони кӯдакистон барои 400 нафар идома дорад. Дар назар аст, ки кӯдакистон то ҷашни 35-солагии Истиқлоли давлатӣ пурра ба истифода дода шавад.
Ба истиқболи ҷашни 35-солагии Истиқлоли давлатии Ҷумҳурии Тоҷикистон дар ноҳияи Шаҳристон корҳои ободонию созандагӣ идома дошта, сокинон талош доранд, ки ин ҷашни фархундаро бо дастовардҳои шоиста пешвоз гиранд.
АКС: Хадамоти матбуоти Раиси вилояти Суғд
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
